Уртын дуучин Д.Жавхаасайхан сугалаагаар адуу өгнө гэв
Монгол Улсын соёлын тэргүүний ажилтан, дуучин Д.Жавхаасайхан буурал азрагынхаа эр охин хоёр даагыг сугалаагаар өгөхөөр болжээ. Энэ тухай “Мон-Эрдэнэ” группын захирал, уяач П.Энхмөнх өөрийн цахим хуудсаараа мэдээлэл хүргэсэн байна.
Уртын дуучин Жавхаасайханы тухайд “Эр бор харцага”-аас эхлэх уртын дуунуудаар нь сонсогчид төдийгүй манай язгуур урлагийг шимтэн сонирхдог гадныхан ч мэддэг юм билээ. Нуруу туруу тэгш дуучин залуу уран бүтээлийн их ажлын хажуугаар хурдан моринд тун ч хорхойтой нэгэн.
Тийм ч болохоор ямар ч ажилтай байсан салхинд гарч морьдоо эргэх завыг гаргадаг гэсэн шүү. Тэрээр хэд хэдэн хурдан адуутай бөгөөд мэр сэрхэн жижиг наадмуудаад наадаад авдаг.
