Хэлсэндээ хүрж байдаг юм шүү хүү минь
Хэн нэгэнд хий дэмий битгий амлалт өгж байгаарай
Хийж чадахгүй бол хэлж түүнийгээ ойлгуулж байгаарай
Ялихгүй гэж бодсон амлалт чинь ямар их хүлээлт бий болгодог гээч
Ядмагхан бодол тээн ярьж байснаа мартах шиг гутамшиг бас байдаггүй юм шүү
Амлалт яагаад мартагдадгүй гээч
Амыг чинь асууж яагаад сануулдаг гээч
Яриа төдий юм шиг санагдах боловч
Яаж ч уурласан амлалтыг чинь санадаг хүн байдаг юм шүү
Уурласандаа биш итгэсэндээ амлалтыг чинь ахин дахин асуух нэгнээс битгий залхаарай
Энэ ч бас чиний өсөхөөс өдий хүртэлх сурсан чадвар байх ёстой юм шүү …….
Сайханбаатар Сайханбаяр
