Жүжигчин, фото модель, дуучин Ч.Очгэрэл “Universe Best Songs” нэвтрүүлэгт оролцож улмаар “Мартагдашгүй намар” УСК-д тоглосон.
Харин түүнийг үзэгчид “Содура”, “Говийн домог” зэрэг киноны дүрүүдээр нь илүү сайн мэддэг.
Өдгөө 33 настай тэрээр дөрвөн хүүхдийн ээж. Тэр утгаараа сайн үйлсийн аянд оролцох нь элбэг.
Харин тэрээр өчигдөр өөрийн цахим хуудаснаа эмзэг бүлгийн хүүхдүүдэд хоол хүнсээр тусалсан талаараа бичсэн байна.
Тэрээр “Буянжаргал гэдэг найзынхаа санаачлагаар найзуудтайгаа нийлж хүүхдүүдэд хүнс хоолоор тусаллаа. Гэхдээ хаана очиж, хичнээн өрхөд тусалсанаа, тэд хэн байсан талаар мэдээлэл өгөхгүй ээ. Нөхцөл байдлыг зургаар ч оруулахгүй. Угаасаа зураг аваагүй. Зүгээр л туслая гэж бодож байгаа хүмүүсдээ туслаарай. Хүүхдүүдийг баярлуулаарай” гэжээ.
