Дуучин Ч.Цэлмүүн хуримаа “санагалзав”
“Universe best songs” дууны шоуны анхны ялагч, дуучин Ч.Цэлмүүн одоогоос найман жилийн өмнө хийж байсан анхны хуримаа “санагалзаж”, эмээгээ дурсав. Тэрээр өөрийн цахим хуудаснаа “Хуучны зураг олов. Энэ өдөр өмссөн даашинз бол эмээгийнх байсан юм. Даашинз нь битүү гар хатгамал тул их хүнд санагдаж билээ. Энэ амьдралдаа эмээгийнхээ даашинзаар гоёох боломж гарсанд үргэлж баярлах юм. Эмээ минь байсан бол яаж мишээгээд харж байх байсан бол… Гэснээс 22той байжээ” гэжээ.
Түүний анхны нөхрийг Н.Алтанхайрхан гэдэг бөгөөд АНУ-д боловсрол эзэмшсэн мэдлэг боловсрол өндөртэй, айлын отгон хүү гэгдэж байсан. Гэвч Ч.Цэлмүүнд гар хүрдэг байсны улмаас дуучин бүсгүй хүүгээ аван төрхөмдөө буцаж байсныг эх сурвалжууд хэлдэг.
Өдгөө Н.Алтанхайрхан, Ч.Цэлмүүн нар тус тусын амьдралаа хөөж өөр гэр бүл зохиосон.
Дуучин бүсгүйн одоогийн нөхрийг С.Ангараг гэдэг бөгөөд теннисээр олон улсад багагүй амжилт үзүүлж явсан залуу гэдэг. Тэрээр Н.Алтанхайрхан, Ч.Цэлмүүн нарын хүүг өөрийн хүүхэд шигээ хайрладаг юм билээ.
