Дуучин Б.Болд: Аав нь охидууддаа хайртай шүү…
Нийтийн дуучдаас хоёр ч бүсгүйг ээлж дараалан эхнэрээ болгож авсан дуучин Б.Болд одоо л нэг сэтгэл амар яваа сурагтай. Хаягдаж хоцорсон өмнөх эхнэр, дуучин Э.Чулуунчимэг нь саяхнаас бөх залуутай ханилснаа олон нийтэд ил болгосон болохоор юундаа ч ичиж бэргэхэв. Нэг ангид хамт сурч, нэг тайзан дээр эхнэртэй нь хамт дуулж явсан Х.Мөнгөнцэцэгийг дэргэдээ аваад удалгүй өнөр бүлийн эзэн болсон эр.
Хоёр дахь эхнэрээс нь төрсөн хүүдээ Жавхлан, охиндоо Баясгалан нэр хайрласан тэрбээр эхтэйгээ хамт үлдсэн Аялгуу охиноо ч мартаагүй гэдгээ зарлах дуртай. Тиймдээ ч наадмын өмнө Баясгалан охиныхоо нэг насны төрсөн өдрийн баярыг нижгэр тэмдэглэхдээ “Аав нь охидууддаа хайртай шүү” гэж тэднээрээ бахархжээ.
Дуучин Х.Мөнгөнцэцэгийн хувьд сайн найзынхаа нөхрийг булаасан “хэрэгт” буруутгагдаж, жил дараалан хүүхэд төрүүлээд олны нүднээс далд байхыг илүүд үзэж байсан нь нууц биш. Өдгөө түүнийг гурав дахь хүүхдээ төрүүлэхээр зэхэж байгаа талаар шуугиж буй хэдий ч, нөхөртэйгээ хамтран шинэ уран бүтээл дээр ажиллаж яваа гэнэ шүү.
