Рэппэр, найруулагч, продюсер Rokit Bay буюу О.Баярсайхан гэр бүлийнхээ хүнийхээ хамт блог хөтлөдөг болжээ. Уг блогоороо гэр бүлдээ болж буй сонин содон, тэмдэглэлт, дурсамжит үйл явдлуудыг оруулдаг болсон гэнэ.
Рэппэр Rokit Bay 2008 оны үеэс рэп хөгжим хийх болж, олон хит дуу, 3 цомог гаргаж, хэд хэдэн кинонд тоглосны зэрэгцээ “Авьяаслаг монголчууд” шоуны шүүгчээр ажилласан билээ. Компьютер график, бизнесийн удирдлагын чиглэлээр суралцаж байсан Rokit Bay 2017 оноос өөрийн үүсгэн байгуулсан Beer Night студийн багийнхны хамтаар Монголын анхны бүрэн хэмжээний анимейшин цуврал “Оннц дүмд”-ийг амжилттай бүтээсэн бөгөөд одоо “Fragile” хэмээх видео тоглоомыг бүтээх ажилд ханцуй шамлан ороод байгаа юм.
