Одон ба хүний эрх
Хэд хоног үргэлжилсэн сошиал хэлэлцүүлгийг харахад өнгөрсөн зууны төрөлтийг дэмжих пронаталист бодлого, одон гэх мэт асуудалтай зүйлс, зарим халтай уламжлалт сэтгэлгээ, өсвөр насны бэлгийн боловсрол, хүүхэд өсгөх нийгмийн орчин гд хувь хүний биш, нийгмийн асуудлууд хөндөгдөх шиг боллоо.
Хувь хүний зурагны тухайд зарим нь залуу насандаа олон хүүхэд төрүүлэх нь зөв гэсэн хувийн үзлээ сурталдахад, зарим нь түүнийг буруу гэж үздэгээ тайбарлахаар татаж оруулж, мэдээж ямар ч хувь хүнд олны ярианы бай болоход амаргүй байсан байх.
Хувь хүний үзлээс үл хамаараад хүүхэд төрүүлэх эсэх, хэзээ хэдэн хүүхэд төрүүлэх нь хуулиар хамгаалсан хүний эрх. Эрх гэсэн томьёоллоор хэлж байгаа нь чухал шүү. Хүн өөрөө шийдэх зүйл бөгөөд хууль зүйн утгаараа хүний шийдлийг төр хүндэтгэх буюу шийдвэрээ гаргахад нь хөндлөгөөс нөлөөлөхгүй байх, нөгөө талаар нэгэнт гаргасан шийдвэрээ хэрэгжүүлж амьдрахад боломж олгох орчныг бий болгох, тогтолцооны дэмжлэг үзүүлэх үүрэгтэй байдаг.
Хүүхэд төрүүлэх сонголт хийх эрхийн агуулгад олон хүүхэд төрүүлэхээс гадна төрөхгүй байх, 40-тэйдээ ч юмуу төрөхөөр шийдэх, хамтрагчтай хамтрагчгүй үл хамааран хүүхэд гаргах эсэхээ шийдэх, бас хэзээ хэд төрөхөө өөрөө төлөвлөх, зохицуулах, энэ талаарх мэдлэг боловсрол, чадавх, дэмжих боловсрол, эрүүл мэнд, нийгмийн тогтолцоог ойлгоно.
Хүүхэд хэдтэйдээ хэдийг төрүүлэх хувь хүний эрхийг хүндлэдэг нийгэмд бол хүүхэд оройтлоо, төрүүлсэнгүй гэж гоочилдог, олон ба цөөн хүүхэдтэйгээр өрсөлдүүлэх, ээжүүдийг ялгаж давуу сул үздэг дарамтыг зогсоох ёстой.
Мөн төрийн зүгээс аль болох олон төрлөө гэж одондож шагнаж, сурталчлах нь сонголтод нөлөөлөх гэсэн оролдлого бөгөөд буруу нь гэдэг нь бас ойлгомжтой.
Хувь насанд хүрсэн эмэгтэй хэзээ, ямар нөхцөлд, ямар эдийн засгийн боломжтойгоор хүүхэд төрүүлэхээр шийдэх нь маниусын хэлэлцэх асуудал биш байх.
Хүний эрхийн өнцөгөөс халиад бодлого талаас хөндөх бол хүний эрхийг хангасан хүн амыг хөгжүүлэх бодлого бол эхийн, хүүхдийн эрхийн баталгаа, хамгаалал, эмнэлэг, боловсрол, нийгмийн үйлчилгээ хүртээмж, чанар шүү дэ.
Нэгэнт хүүхэд төрсөн л бол ямар гэр бүлээс үл хамааран адил мөн наад захын хүрэлцээтэй нийгмийн үйлчилгээ, дэмжлэг авах нь хүмүүнлэг нийгмийн ажил. Нөгөө талаар хүүхэд төрүүлэхээр сонгосон эхийн ажил хөдөлмөр эрхлэх, нийгэмд оролцох, эрүүл мэндээ хамгаалуулах хүний эрхүүдэд ямар нэг сул тал аль болох үүсдэггүй байх нь гол асуудал.
Манайд ийм бодит бодлого маш сул, зөвхөн төрөлтийг одонгоор төрөөс оролцож сурталчлах, олон цөөн хүүхэдтэй эхийг ялгах л бодлого л байх шиг байна.
Харин нэгэнт дээр бичсэн хамаагүй, ер нь эмэгтэй хүн хүүхэд л төрүүлэх үүрэгтэй, аль болох олныг төрүүл, хүний эрх гэж балай яриагаа боль, хүүхэд өөрөө өсчихнө гэж итгэдэг бол за яахав дээ кк.
Nomingerel Kh
