Япончуудыг маш хөдөлмөрч соёлтой ард түмэн гэдгийг дэлхий нийтээрээ мэднэ. Харин ийм хүмүүс яагаад амиа хорлолтын хувиараа дэлхийд тэргүүлдэг билээ?
Introvert-уудын өлгий нутаг гэлтэй энэ улсад хөл тавьсан цагаас эхлээд л нэг юманд яарсан хурдтай алхаж буй хүмүүстэй өдөр болгон таарна. Жижигхэн газар нутаг дээр нь шахцалдаж амьдарч тэр хурдан хэмнэлд нь тохируулж амьдрах шаардлагатай болно. Харин тэдгээр хүмүүс гол нь юунд тэгж их яараад байна вэ?
Японд амьдарч байгаад эргээд эх орон руугаа буцсан хүмүүсийн дийлэнх нь Японыг аялахад тохиромжтой орон болохоос ажиллах зорилготойгоор очих орон хэзээ ч биш гэж дүгнэдэг.
Учир нь тэнд дэлхийн өөр ямар ч улсад байхгүй тэс ондоо ажлын соёл бий. Цагийн хувиараас эхлээд л маш шахуу ажилладаг, ерөөсөө ажлаас ажил, өөр юм байхгүй. Япончуудыг амиа хорлолтоороо дэлхийд тэргүүлдэг болсон томоохон шалтгаануудын нэг нь муухан toxic харилцаанаас ч төвөгтэй ажлын шахуу хувиарууд нь.
Оффисийн ажилтай хүмүүс нь хэт их стресснээсээ болоод тэр нь аажмаар сэтгэл зүйн асуудалд хүргээд хэт их ажилласнаасаа болоод үхэх бол статистик үзүүлэлт болчихсон. Зүгээр л тэр тогтолцоо нь өөрөө маш асуудалтай, зарим газар дээд албан тушаалын хүмүүс нь ажлаа дуусаагүй бол би явах эрхгүй гэх мэт дүрэмүүд ч бий.
Эмэгтэй хүн биеийн хүчний хувьд эрэгтэй хүнтэй харьцуулашгүй ч сэтгэл зүйн хувьд иймэрхүү стресснүүдийг даваад гарчихдаг тэнхээтэй бол эрэгтэй хүмүүс нь харьцангуй дотогшоо учраас тэр болгон deal хийгээд байж чаддаггүй. Ингээд дахиад нэг статистик үзүүлэлт гарж ирсэн нь Япон эмэгтэйчүүд ажилласаар байгаад нэг л мэдэхэд 40 нас дөхчихсөн ганц бие байж байдаг. Тэгсэн хэрнээ Япон хүнтэйгээ суух сонирхолгүй, ихэвчлэн эрх чөлөөтэй, нээлттэй үзэл бодолтой романтик, Европ залуучуудтай суух хүсэл нь хамаагүй илүү байдаг.
Өөрсдийнх нь хийдэг аниме-үүд дээр хүртэл гол дүрүүд нь ихэвчлэн ахлах сургуулын насны хүүхдүүд байдаг даа, учир нь ахлах сургуулиас цаашаа тэгээд жинхэнэ хар дарсан зүүд шиг наснууд нь эхэлдэг болохоор тэрнээс цаашаа амьдрал байхгүй gg, game over л гэсэн үг.
Хэрвээ Япон руу ажиллахаар явах сонирхолтой байгаа бол дахиад нэг бодоод үзээрэй.
