Цэл залуухан И.Одончимэг, О.Энхтуул нар
Монголын олны танил сайхан бүсгүйчүүдийн төлөөлөл бол МУГЖ И.Одончимэг, СТА жүжигчин О.Энхтуул нар яахын аргагүй мөн. 1990-ээд оноос тайзнаас хамаг харчуулын харцыг булааж явсан хоёр бүсгүй оюутны нэг анги гэнэ шүү.
Тэдний 1988 онд татуулсан гэрэл зургийг сонирхуулъя. Залуугийн л дэгжин хээнцэр, царайлаг бүсгүйчүүд байжээ. Өнөөдөр ч энэ үс зүсээ алдаагүй яваа сайхан бүсгүйчүүд билээ.
Дашрамд дуулгахад, И.Одончимэг, О.Энхтуул нар тэр жил жүжигчний ангид конкурс өгсөн 420 охидоос хоёулханаа шалгарч анги дүүрэн харчуултай тохой нийлүүлэн суралцсан гэдэг. Тэдний ангийнхныг үеийнхэн нь “Нүдэнгийн арми” гэдэг байжээ. Учир нь Одноо, Туул нар гавъяат Г.Золбоот, хөтлөгч Ё.Алтангэрэл, жүжигчин У.Батбаатар, нэвтрүүлэгч Б.Цоодол нарын оюутны нэг анги.
Тэд бүгд л давхраатай алаг нүдтэй, царайлаг гэж жигтэйхэн, тухайн үеийн хотын ганган залуус байсан гэдэг.
