Экстрим спортод донтогч топ модель
“Гоёл-2009” наадмын топ модель О.Уянга сүүлийн үед экстрим спортод дурлах болжээ.
Тэрээр өнтэй өвлөөс өмнө намрын налгар өдрүүдийг ашиглах гэж Тэрэлж рүү гүйдэлтэй болсон гэнэ шүү. Өдгөө 34 настай тэрээр загварынхан дундаа боловсролоороо дээгүүрт тооцогддог.
Хятад хэлийг гаргууд эзэмшсэн тэрээр нэг хэсэг UBS телевизэд хөтлөгч, сэтгүүлчээр ажиллаж байсан. Гэвч ажлаасаа түр амсхийсэн бололтой ихэр охидынхоо хичээл сургуулийн бэлтгэлийг хийсэн шигээ, энхрий дотно найзуудтайгаа экстрим спортод хүч үзсэн шигээ өдөр хоногийг өнгөрүүлж байна.
