2009 оны Монголын мисс, 2014 оны Гоёл наадмын топ модель Х.Бадамгэрэл бол Монголын сайхан бүсгүйчүүдийн нэг.
Тэрээр 2007 онд “Үнсгэлжин” тэмцээнд түрүүлэн загварын ертөнцөд хөл тавьснаас хойш олон улсын загварын шоу, фестивалиуд, миссийн тэмцээнүүдэд Монгол улсынхаа нэрийг гаргаж, амжилттай оролцож ирсэн юм.
Андра Академийг үүсгэн байгуулагч топ модель Х.Бадамгэрэл өдгөө харилцаа, гоо зүй, загвар, балет, сэтгэл зүйн чиглэлүүдээр орчин цагийн соёлтой мэдлэгтэй залуучууд, мэргэжилтнүүдийг бэлдэж байгаа.
Тэрээр өөрийн амжилтын түүхээ бусадтай хуваалцахдаа “Бусдыг ирээдүйгээр нь харж харилц” гэж онцолжээ. Энэ тухай тэрээр “Жаахан охин байхдаа….,, хэл үг дуугарах зүрхгүй өөртөө итгэлгүй жаахан охин байхдаа Шарга морьтын лагeрт өвөөгийндөө амардаг байлаа. Лагерийн күүл хөвгүүний күүл эгчийг шүтдэг байлаа. Би 11 хавьцаа Күүл эгч 17 18 тай байсан байх. Эгч нэг тийм хүчирхэг энeргитэй, үзэсгэлэнтэй, эр эмгүй бүгдэд нөлөөлнө. Күүл эгчид би нэг удаа (Би тань шиг хүн болноо) гэж хоолой амаа чичрүүлэн байж зориг гарган бөөн аз жаргал эрч хүчтэйгээр зүрх догдлон хэлчихэв Эгч нээх том харснаа Чи юу…, Чи яаж чадахав дээ…….. гээд хаялаа. Би ч милээн гомдолтойгоор доошоо харж их олон зүйл бодсонсон. Энэ мэтчилэн олон хүнд гологдсоон. Бусдад хэрэггүй гэж мэдэрсэн үйл явдал, хатуу дурсамжуудаас л өндийж өөрчлөгдөх хүчтэй нугарахгүй сэтгэлзүйтэй болсон. Олон зүйлд ялагдсан ч ялсан ч ялахаас илүү Сайн Өрсөлдөгч байхыг илүүд үздэг болсон. Тэр үeд илүү их зүйл сурч хөгждөг юм шиг. Олоон жилийн дараа Күүл эгч охиноо дагуулан надад шавь оруулж надаас суралцуулахаар өөрөө хөтөлж авчирч охиноо надад даатгаж билээ. Эгч хурцалсан учраас Би бас зүтгэсээн. Oлон удаагийн Шүүмж,Доромж үг бүрийг эeрэгээр харж, дааж сөрж алхсаар энэ хүртэл явна. Хүний хүсэл мөрөөдөл дуусашгүй. Надад тулсан шиг мохоох зүйлстэй тулгарч буй Охиддоо сануулахад Бусдын үгээр өөрийн хүсэл мөрөөдлийг бүү устгуулаарай. Бас бүх хүмүүстээ Бусдыг ирээдүйгээр нь харж харилцаарай. Энэ үeд та найрсаг таатай сэтгэгдэл үлдээж өөрөө ч жаргалтай байх болно” гэжээ.
