УИХ-ын гишүүн Х.Бадамсүрэнгийн хүү, Б.Бадрахтай ханилан сууж хөөрхөн хүү охины ээж болоод байсан “Азийн хатан хаан” өргөмжлөлт мисс, загвар өмсөгч Г.Оюунгэрэл гэр бүлийнхээ нандин гэрэл зургуудыг олноо дэлгэж, хуримын ойн баяраа хуваалцав.
Тэрээр энэ тухайгаа “Бид хоёр чинь үерхээд 11 жил, суугаад хоёр жил болж байна даа. Миний амьдралын гуравны нэг чамтай өнгөрсөн байна залуу минь. Өшөө урт удаан амьдръя хайрт минь” гэжээ.
Г.Оюунгэрэл өдгөө 35 настай. Тэрээр цагтаа загварын сайхан бүсгүйчүүдийн нүүр царай болж явсан.Ерөнхий сайд асан С.Баярыг онгоцны шалаар дүүрэн сарнай дэвсэн угтахад хүргэж, “Эко констракшин”-ы захирал Б.Нямдавааг час улаан өнгөтэй “Инфинити” машин бэлэглэх хүртэл нь догдлуулж байсан үзэсгэлэнтэй нэгэн.
Угаасаа томоохон компанийн захирлаар ажилладаг ээжийнхээ хүчинд өнгөтэй, үнэтэй бүхнийг хэрэглэж сурсан тэрбээр “Гоёл” наадмаас “Топ модель” горьдохооргүй хэмжээний модель гэдгээ ил тодхон хэлдэг. Тиймдээ ч томоохон загварын шоунаас бусад арга хэмжээнд ер оролцдоггүй мисс Г.Оюунгэрэл гэнэт л өөрөөсөө олон насаар дүү баян айлын хүүг ирээдүйн ханиараа сонгосон юм. Тэдний гэр бүлийн нандин дурсгалт гэрэл зургуудыг хуваалцая.
