“Хэцүү анги“, “Миний ах атаман” зэрэг уран бүтээлүүдээрээ үзэгчдийн танил болсон жүжигчин М.Баярбат сүүлийн үед гадаад төрх, биеийн галбиртаа ихээхэн анхаарах болсон. “37-р Точка олон ангит киноны Ялалтын дүрээр охид, бүсгүйчүүдийн анхаарлыг улам татах болсон залуу аав хүүхдүүдээ өөрөө өсгөхийн хажуугаар “Зүрхний хилэн“, “Байтаг богд“, “Маш нууц“ зэрэг дэлгэцийн бүтээлд амжилттай тоглосныг нь магтахгүй байхын аргагүй.
Бүсгүйчүүдийн хүсэмжит залуусын жагсаалтын эхэнд бичигдэх “болзол хангаад” буй авьяаслаг жүжигчний хувьд анхны амьдралаасаа хойш тэр бүр бүсгүйчүүдтэй нэр холбогдоогүй. Харин өнгөрсөн хавраас Аззаяа гэх бүсгүйг өөрийн болгосон гэдгээ зарлаж, крашлах бүсгүйчүүдэд сигнал өгсөн.
Аззаяа бүсгүй жүжигчин М.Баярбатын хүүхдүүдтэй нь өөрийн хүүхэд шиг харьцдаг, хайр халамжаар дутаадаггүй нь сэтгэлийг догдлуулдаг бололтой. Энэ тухайгаа жүжигчин залуу өөрийн цахим хуудаснаа гэрэл зургаар үзүүлж, стори хийсэн байна.
