Урлагт зүрх сэтгэл, бүх насаа зориулж яваа дуучин Т.Ариунаа өнгөрсөн долдугаар сард эмээ болсон. Түүний том хүү Б.Алдар өөрийн цахим хуудаснаа шинэ хүнээ танилцуулж, аавынхаа үүргийг биелүүлж яваа харагддаг.
Өсвөр насандаа төрсөн биш ч төөрөлдсөн дуучин ээжийнхээ чихийг бишгүй халууцуулж явсан Б.Алдар томоожиж халамжтай аав болсон бололтой.
Б.Алдарын тухайд өөрийн төрсөн ээж н.Ариунболорыгоо нэг нүдээрээ үздэггүй гэдэг. Харин хойд ээж Т.Ариунаагаа өөрийн төрсөн эхээс илүү хайрладаг гэдгээ хэвлэлд ярилцлага өгөхдөө илчилсэн байдаг.
Учир нь түүний төрсөн ээж Герман залуутай сууж гадаад руу ниссэн ч, нэг их удалгүй салж Турк эртэй хамтран амьдрах болсон юм билээ. Төрсөн эхийнхээ үнэн төрх, хойд ээжийнхээ зан аашийг олон нийтэд зарласан Б.Алдар нэг хэсэг хар тамхи хэрэглэдэг гэх хардлагад өртөөд авсан.
Хөрөнгө мөнгө, баян чинээлэг байдал хүүхэд бүү хэл хэдийнэ төлөвшсөн байх учиртай том хүнийг ч өөрчилдөг. Харин Б.Алдар сүүлийн хэдэн жил “том болж” ухаан сууж, элдэв хэл аманд өртөхөө больсон.
