Иргэн О.Одсүрэн болон “Улаанбаатар дулааны сүлжээ” ТӨХК-ийн хооронд дулааны шугам сүлжээний холболттой холбоотой маргаан үүсч, Зайсан дахь 17 компанийн дулаан хангамжийг хаах тухай асуудал яригдаж, багагүй шуугиан дэгдээсэн.
Тодруулбал, иргэн О.Одсүрэнгийн эзэмшлийн Зайсангийн зүүн талын дулааны шугамыг “Улаанбаатар дулааны сүлжээ” ТӨХК эзэмшигчийн зөвшөөрөлгүйгээр гуравдагч этгээдүүдэд ашиглуулж байсан нь гурван шатны шүүхээр тогтоогдож, “Улаанбаатар дулааны сүлжээ” ТӨХК -ийг зөвшөөрөлгүйгээр дулаанаар хангагдаж байгаа 17 компанийн гэрээг цуцалж, шаардлагатай бол О.Одсүрэн болон МФикскапитал ХХК-тай тохиролцон гэрээнүүдийг шинэчлэн хийх ёстой гэсэн шүүхийн шийдвэр 2018 оны 10 дугаар сард гарсан байдаг.
Гэтэл, тус асуудал өнөөдрийг хүртэл шийдэгдээгүй, “Улаанбаатар дулааны сүлжээ” ТӨХК гурван шатны шүүхийн шийдвэрийг үл тоож, иргэн О.Одсүрэнг хохироосоор байгаа юм байна.
Тиймээс О.Одсүрэн зөрчигдсөн эрхээ хамгаалуулахын тулд өнгөрсөн тавдугаар сард АТГ-т гомдол гаргасан байна. Тэрээр гомдолдоо, “Бүх шатны шүүхийн шийдвэрийг хэрэгжүүлэхэд хяналт тавьж, цаашид иргэд, аж ахуй нэгж, төрийн байгууллагуудын дунд аливаа нэгэн маргаан, зөрчил үүсэхгүй байхад анхаарч, шүүхийн шийдвэрийг биелүүлж ажиллахыг хүсье” гэжээ. Энэ талаар АТГ-аас тодруулахад, “Иргэн О.Одсүрэнгийн гомдлын дагуу “Улаанбаатар дулааны сүлжээ” ТӨХК-д хэрэг үүсгэн, шалгаж байна” гэв. Зөвшөөрөлгүйгээр дулааны шугам сүлжээнд холбогдсоны улмаас шүүхийн шийдвэрээр дулаан нь салгагдахад хүрээд буй 17 компанийн нэрс:
1. The peak residences (Жэй эн Моторс тур ХХК)
2. Хан түшээ хотхон (Уран ган ХХК)
3. Гэрэг вилла хотхон (Эх газрын эрдэнэс ХХК)
4. Бөхбат ХХК-ийн Түшээ гүн хотхон
5. Сипоко ХХК-ийн Энхжин-2 хотхон
6. Номин холдинг ХХК-ийн Цэцээ гүн хотхон
7. Голден вилл ХХК
8. Далай омбо ХХК-ийн Хан түшээ хотхон
9. Гантулга бор ХХК
10. Хан бэлчир ХХК-ийн үйлчилгээ, АОС
11. Зайсан максим АОС, Иргэн Л.Туяа
12. Баатар дулаан хан ХХК Тохилог Зайсан хотхон
13. Рома инвест ХХК
14. Ромбон газар ХХК-ийн Солар жарден хотхон
15. Инэл ххк /Chariot residence/
16. Жинхэнэ Уянга ХХК
17. Сайн констракшны барилга
