Нийслэл хотод маань цар тахлын аюул нүүрлэж, иргэдээ хамгаалахаар төр засаг, нийслэлийн захиргаанаас шат дараалсан шийдвэр гаргаж, бүх нийтийн хөл хориог хэрэгжүүлэн ажиллаж байна.
Энэ үеэр зайлшгүй шаардлагаар буюу эмнэлэг, эрүүл мэндийн үйлчилгээ авах, хүнсний бүтээгдэхүүн тээвэрлэх автомашин болон зайлшгүй зорчиж иргэдэд үйлчилгээ үзүүлэх шаардлагатай хэвлэл мэдээллийн болон цахилгаан, сантекникийн зэрэг байгууллагын инженер техникийн ажилтнуудад хөл хорионы үед зорчих автомашины зөвшөөрлийг цахимаар бүртгэн олгож байгаа бөгөөд уг асуудлыг Нийслэлийн Засаг даргын харьяа агентлагийн нэг болох Замын хөдөлгөөн зохицуулалт, инженерчлэлийн газарт хэрэгжүүлэхээр даалгасан байдаг.
Тус агентлагийг өмнө нь замын цагдаад ажиллаж байгаад чөлөөндөө суусан хурандаа С.Энхтөр удирддаг бөгөөд харамсалтай нь өнгөрсөн 2 жилийн хугацаанд түүнээс нэг ч шийдвэртэй алхам, бүтэлтэй ажил гарсангүй. Зүй нь бол өдөр тутам нэмэгдэж байгаа авто замын түгжрэлийг шинжлэх ухааны үндэслэл, судалгаа тооцоонд тулгуурлан бууруулах ажлыг мэргэжлийн инженерийн баг хамт олон хийх зорилготойгоор байгуулагдсан тус агентлаг үндсэндээ С.Энхтөр гэгчийн хувийн амбици, өөрийгөө тодруулах гэсэн эгонд дарагдаад 2 жилийн нүүрийг үзсэн гэж хэлж болох юм. Бүр сүүлдээ цах тахлын хөл хорионы үед нэн яаралтай автомашин явах зөвшөөрлийг цахим хэлбэрээр бүртгээд олгох үүрэг өгсөн Хотын захирагч Д.Сумъяабазарын чиглэлийн энэ хүн байгууллага дээраа татан аваад санаатай санамсаргүй алин боловч иргэдэд хүнд суртал гаргаж, асуудлыг удаашруулж, олон нийтийн бухимдлыг төрүүлж эхэллээ.
“Намайг хэн тоох вэ, нохойг хэн саах вэ” гэгчийн үлгэрээр угаасаа ажил хийдэггүй, хийж чаддаггүй, гараас нь бүтэлгүй зүйл гардаггүй, хоосон амбици, даргад долдойдохоос өөр “ид шидгүй” С.Энхтөрийг Замын хөдөлгөөн зохицуулалт, инженерчлэлийн газрын даргаас чөлөөлж, энэ салбарыг мэддэг, чадварлаг залуу боловсон хүчнээр даруй сольж, иргэд олон нийтийг бухимдуулахгүйгээр авто машины зөвшөөрлийг олгох шаардлагатай байна. Эс бөгөөс Хотын захирагч С.Сумъяабазар таны өгсөн үүрэг даалгавар энэ хүн дээр очиж шийдвэрлэгдэхгүй удаж, иргэдийн бухимдлыг үүсгэх нөхцлийг бий болгохоор байна. Мөн зам тээврийн сайдаас Хотын даргад албан бичгээр хүсэлт ирүүлж, автомашиныг QR коджуулах ажил алдааг дутагдалтай байгааг илэрхийлжээ.
