Эгч дүүсийн холбоог энд магтан бахдах гэсэн юм.
Үзэж амжаагүй бэдэрч яваа амьдралыг урдуур орж үзчихээд, алдвал алдаад, оновол онолоо гээд сургааль айлдаж судас баздаг би нэг эгчтэй хүн.
Насны зөрүүгээр хааяа дээрэлхдэг ч найз нөхөр шиг байдаг тэр эмэгтэй хааяа надаас дэндүү дүү юм шиг аяглана.
Би чамаас илүү хэдэн жил амьдарлаа гэж ирээд хааяа “томорно”
Хэлэх үг нь хутга шиг үзүүртэй тэгснээ бас чихэр шиг амттайг нь яаана. Гомдоод тангарга тасармаар тэгснээ хөтлөөд нэг хөнжилдөө унтмаар янз янз.
Царай зүс нь тийм ч адилгүй тэгэхдээ ухаан санаа нь ижилхэн.
Нэг эцгээс үүсэн, нэг эхийн хэвлийд бүрэлдэн мэндэлсэн болохоор бодол сэтгэл нь зөрөлдөхгүй яг таарна.
Нүднээс минь аливааг уншина.
Гэнэт гэнэт зүв зүгээр байхад зүгээр үү? Гэж асууна янзын.
Тоглоом нь шоглоом болно, хааяа игдүү нь хүрэхээрээ хөхөртөл хазна, чимхэнэ, хийстэл түлхэнэ.
Эгчтэй байх сайхаан.
Ханьтай гэж жигтэйхэн.
Сэтгэлийн нууцаа уудлаад өөрийнх нь нууцтай нийлүүлчихсэн байхад ам алдаж араас хутгална гэж лав байхгүй.
Намайг охин төрөхөд их баярласан гэсэн.
Ханьтай боллоо гээд.
Би ч дэндүү ханьтайлдаа.
Тэр яахав, хааяа хөтлөлцөөд гадуур зугаалах, хамт оройг өнгөрүүлэх, хэнгэнэтэл сайхан гуниглах, хөгжилдөж “алалцах” тэр эмэгтэй миний амьдралыг өдий зэрэгт хүргэжээ.
Өмсөж үзээгүй хувцас, барьж үзээгүй утас, идэж үзээгүй амттан бараг л байхгүй. Бүгдийг нь надад зориулж өсгөжээ.
Гадуур хамт явахад найзууд шиг харагддаг болчихдог үе нэг л өдөр ирчихдэг юм байналээ.
Ямар ч тохиолдолд дүүгээ гэдэг эгчтэй байх дэндүү сайхан.
Бага байхад эгчдээ дагуул болж мөн ч их төвөг болж байсандаа.
Хаачих гэж байнаа? Би хамт явнаа.
Би явнаа.
Намайг аваад явлдаа гээд л явдагсан.
Одоо болсон би явлаа баяртай болчихсон.
Эсвэл гарах гэж байна хамт гарахуу гээд л…
Он жилүүд улиран оджээ.
Цаг хугацаа өнгөрөх бүрийд хүсэл тэмүүлэл улам дээшилж, энэ цаг үеийг хэрхэн нэгэндээ дэмтэй туулахыг хором бүрийд бодон сууна.
Эгчийн нэрний ард дүүгийн нэр, дүүгийн нэрний ард эгчийн нэр…
Хэн миний эгчийг хорон үг үйлдлээр чичилнэ, би тэр хүнээс хариуг нь авдаг.
Хүртэх ёстойгоо хүрт гэдэг шиг. Хайртай хүмүүсээ өмөөрч байхдаа ер нь өөрийгөө боддог хулчганадаг хүн лав үгүй бизээ.
Зовиурт сэтгэлийн тарчлааныг эгчийнхээ ганцхан үгээр үгүй хийж чадна.
Тэр нь их энгийн хэрнээ хүчтэй үг, “битгий санаа зовоо” энэ үгийг нь сонсоод шууд асуудлаа хаячихаж байгаа юм чинь.
Хорвоод хослон алхах
Хамтдаа энэхэн замбуулинг туулах
Хонгорхон ганцхан эгчдээ
Ховорхон нэг уянгалахыг минь болгоо.
Хэлэх үг зорих үйл барагдашгүй Хүмүүний их хөрстөд
Хүний дээд заяанд ханилан мэндэлсэн
Эрднийн ганцхан оч
Эгч тандаа мөргөмүй…
