Дуучин Т.Ариунаа цахим хуудаснаа”Та бид өдөр тутмынхаа цагийг хэрхэн, яаж зарцуулдагаа төдийлэн сайн анзаардаггүй.
Хэн ч хараагүй үед бодол, хэл яриа, үг үйлдлээрээ, санаатай болон санамсаргүйгээр ямар нэгэн алдааг хийдэг.
Биднийг хором бүр зүрх сэтгэлээр агшааж жижгэрүүлж байдаг мэдрэмж бол Айдас. Сэтгэл зовоосон асуудлууд, эргэлзээ, санаа зовнил, сэтгэл түгшилт, хэн нэгэнд гомдсон гомдол, сэтгэл гутрал, хэн нэгнээс авсан шарх биднийг дотроос минь идсээр зүрх сэтгэлээ хатсан чавга шиг болгодог.
Өөрийнхөө сэтгэл дотор байгаа асуудлыг шийдэхгүй л бол зовсоор л байдаг…
1. Өөрийгөө буруутгахаа боль
2. Өөрийгөө айдас хүйдсээр бүү дүүргэ
3. Урам зоригтой бай.
Хэн нэгэн таныг шархлуулж, таны амар амгаланг хулгайлсан ч та Бүү бууж өг. Айдастайгаа нүүр тул!!!Ихэнх хүмүүс үүнийгээ хэн нэгэн итгэлтэй хүндээ ярьдаггүй сэтгэл дотроо хадгалсаар явдаг. Зүрх сэтгэлийн эдгэрэлтийг өөрөө өөртэйгээ нүүр тулж ажилла… Бүү шантар. Өөрийгөө, зүрхээ бүү зовоо. Өнгөрсөнд нь үлдээгээд тэндээс ухаарлыг авч хатуужиж тэвчээрээр ялж гараад цааш нь ажил амьдралаа үргэлжлүүлж урам зоригтой бай. Бос, амьдрал олон боломжуудаар дүүрэн. Айдсыг нөхрөө бүү болго. Энэ дэлхий дээр амьдарч байгаа л бол хэн нэгэн нь таныг гомдоож шархлуулах л болно.
Та айдсаа хаяж, амар тайвнаар асуудлаа шийддэг бай. Айдас бол сөрөг мэдрэмж, сэтгэл, хөдлөл юм. Оюун санааныхаа сүнс дотор хүчирхэг байж шинэчлэгдэж чадах юм бол айдсаас гарах гарцаа амархан олж чадна.Айдас таныг эзэмдэж дарангуйлж байгаа бол та Хулчгар байна.
Аливаа зүйл өөрийн тогтоогдсон цаг мөчтэй, өөрийн цаг хугацаатай байдаг ч тэр цаг хугацаа дахин давтагдашгүй. Бурхан бидэнд айдсын сүнсийг бус бидэнд Хайр Хүч чадалын сүнсийг өгсөн. Хүчтэй байгаарай. Айдсаа ялаарай.” хэмээжээ
