УДЭТ-ийн авъяаслаг жүжигчдийн нэг “Нора” Н.Баярмаа гэрээсээ ажиллаж сурч байгаагаа дуулгажээ. Тэрээр хөл хориотой өдрүүдэд зүгээр суухыг хүссэнгүй.
Өөрийгөө хөгжүүлэх тал дээр илүүтэй анхаарч, сошиал найзууддаа уншсан номоо ярьж өгдөг болжээ.
Түүний хувьд 2008 онд СУИС-ыг жүжигчин мэргэжлээр төгссөн бөгөөд оюутан байхдаа “Эрхэм элч” продакшны уран бүтээл “Халуун сэтгэл” УСК, 2008 онд “Урагшаа залуусаа” УСК, 2010 онд SBN телевизийн уран бүтээл “Сонголт” олон ангит УСК-д тус тус тоглож байсан.
Н. Баярмаа нь ажлын гараагаа SBN телевизийн киноны албанд дуу оруулагч, жүжигчнээр эхэлсэн бол 2012 онд УДЭТ-т жүжигчний сонгон шалгаруулалтанд орж тэнцэн 2014 оноос жинхлэн ажиллаж байна. УДЭТ-т ажиллах хугацаандаа Мигел де Сервантесийн “Дон Кихот” жүжгийн Мариторнесийн дүрд тоглосон бөгөөд 2013 оны шилдэг дүрийн уралдаанд Хенрик Ибсений “Хүүхэлдэйн байшин” жүжгийн Нора, Михайл Себастяны “Нэргүй од” жүжгийн Монагийн дүрээр оролцож 3 дугаар байр эзэлжээ.
