Үтрээ чинь дэлбэрчихнэ шүү дээ.
Өчигдөр шөнөжин нэг эмэгтэйтэй чатаар ярилцав. Төрсний дараах сэтгэл гутрал гээд яриад байдаг болохоор магадгүй надтай ярилцахыг хүссэн байх. Бас ганц бие ээж гэдэг утгаар минь хандсан ч байх.
Сарын дараа гэхэд төрөх гэж байгаа түүнд нөхөр нь “Хэрвээ чи үтрээгээрээ төрөх юм бол сунаж дэлбэрнэ. Манай найзуудын эхнэрүүд дандаа тэгж төрөөд сунаад муухай болсон учраас тэд салцгааж байна. Эхнэрээсээ ямар ч таашаал авч чадахгүй тул араар нь тавьсаар байгаад харилцаанд нь асуудал үүсдэг.
Тэгээд тэр нь даамжирсаар байгаад салалт дээрээ тулдаг. Тэгээд ямар шууд “үтрээ чинь муухай сунасан учраас таашаал авч чадахгүй байна” гэж хэлэлтэй нь биш. Харин эхнэр нь нөхрөө араар тавиад эхлэхэд юуг буруу хийснээ мэдэхгүй муухай аашилж, төрсний дараах сэтгэл гутрал нь давхцаад бүр л хөндийрөх шалтгаан болдог.
Шуудхан хэлэхэд үтрээ чинь сунаад муухай болбол бидэнд салалт нүүрлэж магадгүй. Энэ бол эрчүүдийн дунд байнга яригддаг асуудал.
Бас хамгийн чухал зүйл” гэж жирэмсэн болсон цагаас нь хойш үглэсэн байна. Уг нь эрүүл саруул эмэгтэй хүн өөрөөрөө төрвөл ямар ч асуудалгүй л юм. Гэвч нөхөр нь тэгж төрвөл сална шүү, хүүхдээ өнчрүүлнэ шүү гэж сүрдүүлсэн байна. Одоо тэр хагалгаагаар төрөх тухай бодож байна.
За байж бай даа. Тэгэхээр ихэнх гэр бүл хүүхэдтэй болсныхоо дараа салаад байгаа учир нь бидний үтрээнээс болсон гэсэн үг үү? Анх гоё бариу, таашаалтай байсан үтрээ нь төрсний дараа мэдээж өөрчлөгдөнө. Тэр нь секс бол амьдрал гээд ойлгосон эрчүүдэд хүчтэй цохилт болдог бололтой тийм үү? Энэ тухай өчигдөр анх удаа сонсоогүй ээ. Эмэгтэйчүүдийн эмч найз маань энэ тухай ярьж байсан. Залуу эмэгтэйчүүд үтрээгээ сунгахгүй гэж хагалгаагаар төрөх сонголт их хийдэг болоод байна. Яагаад гэвэл нөхрөө алдахгүйн тулд гэх мэт утгагүй хариулт өгдөг гэнэ.
За тэгээд сунасан үтрээтэй арчаагүй энэ тэр гэж элдвээрээ бол үхтлээ л хэлүүлнэ. Төрсний дараа кегелийн дасгал хийлээ хийлээ гэхэд жилийн дотор гайгүй болно байх. Эсвэл гоо сайхны буюу буцааж оёж моёх хагалгаа бий л дээ. Гэхдээ төрөөд удаагүй байгаа эмэгтэй юун үтрээний гоо сайхны хагалгаа хийлгээд явж байх.
Би өөрөө хагалгаагаар төрсөн болохоор сайн мэдэхгүй л байна. Гэхдээ жирэмсэн эмэгтэй хүнийг ингэтэл нь бүр сэтгэлээр унагах шалтгаан болдог л юм байх даа. Бүр гайхчихлаа. Тэр эмэгтэй жирэмсэн байх хугацаандаа зодуур, доромж биш ч гэсэн мөнхийн л “Үтрээ чинь сунавал бид сална. Хагалгаагаар төрнө шдээ” гэдэг үгийг сонссоор байгаад сэтгэлзүйн хувьд асар их дарамтад орсон байна. Хүүхдээ тээж байгаа эмэгтэй хүн чинь баяр жаргалтай байдаг даа. Харин тэрэнд айдас л байна. Би хүүхдээ өнчрүүлмээргүй байна.
Гэхдээ ээж, аав маань өөрөө төр гээд байна. Би ямар учрын хэлэлтэй биш дээ. Гэхдээ одоо ийм зан гаргаж байгаа үнэхээр миний хань болж чадах уу? Ганц бие ээж байх хэцүү юу гэх мэт асуулт надаас асуулаа. Та нар ямар хариулт өгөх үү?
Dali Jiguur
