Хурд хамтлагийн дуучин, гитарчин Д.Отгонбаярын төрсөн өдөр тохиож байна.
Хүрэн форм өмссөн хөдөөгийн бүрэг даруу бор хүү хотын дунд сургуульд орж, арын ширээнд чимээгүйхэн суудаг байв.
Ашгүй, сургуулийн урлагийн үзлэг болж, ухаан орохоосоо “балбасан” банзан гитар тоглож сурснаа гайхуулах боломж олдлоо. Ангийнхан ч бүчээд авлаа. Урлаг, хөгжим ямар агуу болохыг тэр анх сургуульд ороод л мэдэрсэн нь энэ байв.
Нийслэлийн 20 дугаар сургуулийн IV ангийн сурагч байхдаа “Ган зам” чуулгад элсч, бөмбөр, гитар тоглодог байлаа. Түүнээс хойш 37 жил өнгөрчээ. Урлаг соёлоор хүмүүжиж явсаар ах дүү нартайгаа “Хурд” хамтлагийг 1993 онд анх байгуулсан. Тэр үеийг эргээд санахад олон уран бүтээл үзэгчдэд хүргэжээ. “Рок попын ертөнц бол бидний амьдрал, хөдөлмөрийн минь зам мөр тул насан туршдаа үнэнч явна” хэмээж байсан удаатай.
Тэрээр цахим хуудаснаа “Аав ээж минь миний Бурхад билээ та хоёрынхоо гэрэлт амьдралд 9 дэх хүү болж Монгол эх орондоо 12сарын 28 нд энэ өдөр ирсээн,их аз,том хувь заяа гэр бүлээрээ бахархаад ханашгүй хайртай” хэмээжээ.
