Улиран одсон 2020 онд ид гялалзаж, өөрийгөө харуулж чадсан од гэвэл Аня Тэйлор Жойг нэрлэнэ. “Emma”, “The Queen’s Gambit” зэрэг кинонд тоглосон Аня дараачийн том киноны саналыг авч гол дүрд сонгогдсон байна.
Энэ удаад та бидний сайн мэдэх “Mad Max: Fury Road” киноны Furiosa-гийн дүрийг бүтээнэ. Том Харди, Шарлиз Терон нараар танигдсан “Mad Max: Fury Road” киноны prequel буюу өмнөх үйл явдлыг өгүүлсэн анги байдлаар хийгдэх Furiosa киноны гол дүрд Аня Тэйлор Жой, Крис Хемсвөрт нарын алдартнууд тоглох юм.
Аня Тэйлорын хувьд хүчирхэг эмэгтэй генерал Фюриозагийн залуу үеийн дүрийг бүтээх бөгөөд кинотеатруудын дэлгэцнээ 2023 оны 6 сард гарна хэмээн тооцоолж байна. Найруулагчаар нь Mad Max: Fury Road-ын ерөнхий найруулагч Жорж Миллер өөрөө ажиллах юм.
Бэлтгэсэн Д.Жаргалсайхан
