Бүх урлагийн дотроос кино урлаг хамгийн агуу нь гэдэг. Тэгвэл киног дуугүйгээр төсөөлөхийн аргагүй. Киноноос илүү дуу нь хүмүүст хүрсэн байх ч тохиолдол бий.
1985 онд Зохиолч Дэмбээгийн Мягмарын хүмүүсийн үзэл санааны зөрчил, ёс суртахууны доголдол, бэртэгчин үзэл, хүнлэг чанарын хоорондох ширүүн өрсөлдөөнийг өгүүлсэн “Нандин-Эрдэнэ” жүжгийн сэдвээр найруулагч И.Нямгаваа “Нандин-Эрдэнэ” хэмээх киног бүтээжээ. Хөгжмийн зохиолчоор Сахал Пүүжээ буюу МУСГЗ Г.Пүрэвдорж ажилласан байна.
“Нандин-Эрдэнэ” дууны шүлгийг яруу найрагч Б.Энхтуяа бичиж хөгжмийн зохиолч Г.Пүрэвдорж аялгууг зохиож хамгийн анх МУГЖ Ч.Насантогтох, Б. Бадар-Ууган нар дуулж байжээ.
Үүний дараа “Инээмсэглэл” хамтлаг дуулсан байдаг. Хөгжмийн зохиолч Г.Пүрэвдорж, хамгийн анх дуулж байсан Б.Бадар-Ууган нар “Инээмсэглэл” хамтлагийн гишүүд билээ.
Дуучин С.Сэрчмаа, Камертон хамтлагийн дуучин Эба нар хамтран дуулж 2003 онд гарсан “Sally 2” цомогт орсон байдаг.
Гучин жилийн дараа нийтийн дуучид дундаа өөрийн гэсэн баяр сууриа эзэлсэн дуучин Э.Чулуунчимэг албан ёсны зөвшөөрөлтэйгээр шинэчлэн дуулжээ. Энэ хувилбар бол “Нандин-Эрдэнэ” дууны отгон хувилбар юм.
“Нандин-Эрдэнэ” киног монголын ард түмэн 35 жилийн турш үзсээр, дууг нь дуулсаар өнөөдрийг хүрчээ. Энэ бол бидний зүрх сэтгэлд үүрд эгшиглэх аялгуу, үгүйлэгдэн Үе үеийн уран бүтээлчид өөр өөрийн онцлогоор амилуулсанг энэ удаа бид онцоллоо. Хэн нь илүү амилуулсанг мэргэн уншигч та бүхэн дор бүрнээ тунгаах биз ээ.
https://youtu.be/zEHc8ld7Z1E
