Саяхан “Корона вирус яршиг л байна. Ялж л таараа” гэх реклам сурталчилгаа хэсэгтээ л телевизээр цацагдаж шуугиан дэгдээгээд авсан.
Өөрсдийн ашиг орлогыг бодож, иргэдийг буруу зүйлд уриалсан өнгө аястай реклам нь ёстой л айдас хүйдэс дунд амьдарч байгаа олны дургүйцэлтэй нүүр тулсан. Харин орсон борооны хойноос цув нөмрөв гэдэг шиг асуудал дэгдэнгүүт “Улаанбаатар”-ын босс хатагтай Э.Мөнгөнцэцэг дээрхи тэнэгэлэл гэмээр рекламаа зогсоосон.
Гэвч дэлхийн жишигт нийцсэн, дэлхийн брэндүүдийг нэг дор цуглуулсан ганц их дэлгүүр хэмээн “цээжээ дэлддэг” брэндээр биеэ чимсэн дэгжин хатагтайн сэтгэхүйн доройтол энэ гэлтэй.
Аюулт өвчнөөс урьдчилан сэргийлж ажилчиддаа ядаж ганц удаа ч болов амны хаалт тараахын оронд ашиг орлогоо бодож ийн авирлах нь дээдсийн гэх тодотголтой түүнийг хэн гэдгийг өнгөтөөр харуулаад өгөв бололтой.
