Азийн топ модель хатагтай Д. Болормаа 20-иод жил загварын ертөнцөд данслагдахдаа ангийн үсэн ганграагаараа хэн хүний харцыг булаасаар ирсэн.
Саяхан манай дуранд өртсөн топ хатагтай олон ч жил гоёсон шиншилагаа нөмөрч, барьж ёстой л загвар үзүүлж харагдана лээ. Харамсалтай нь ганцхан ийн гангарааг бэлтгэхийн тулд 100 орчим шиншилла гэх амьтны амь тасладаг бөгөөд хэдэн мянган ам.долларын үнэтэй байдаг уг гоёл элит хэрэглээнд эртнээс багтаж ирсэн түүхтэй.
Гэхдээ сүүлийн үед ийн гоёсон хүүхнүүдийг элит гэхээсээ илүүтэй эгдүүцэж харах хүмүүс цөөнгүй. Угаас дэлхийн одод хүртэл амьтны үсэн эдлэлээс татгалзах болсон энэ цаг үед манай зарим нэг олны танил бүсгүйчүүд ч энэ жишгээр хиймэл үсийг сонгох болсон. Харин ангийн үсэнд “амь тавьдаг” гэх Д. Болормаа хиймэл үсийг таалдаггүй бололтой. Тиймдээ ч булга байтугай шиншилаг урт, богино, өнгө, өнгөөр нь сольж өмсдөг хатагтай түүнээс өөр байхгүй биз ээ.
