Дуучин Ану цахим хуудаснаа “Түрүүлж дугарсан хөхөөний ам хөлддөг” гэдэг дээ… Өнөөдрийн сошиалаар өрнөсөн асуудлыг ажиглаж харлаа. Уул нь чимээгүй байгаад үр дүнгээр хариулт өгөх хүсэлтэй ч заримдаа чимээгүй байж болохгүй тохиолдол байх юм.
Хичээсэн боловч зарим нэг хүмүүсийн гүтгэлэг доромжлол хирээс хэтэрч хүмүүсд буруу ташаа ойлголт түрүүлж байгаад харамсаж, тайлбар оруулах нь зүйтэй гэж шийдлээ. Хавтгай болчихсон дэлхийд үй түмэн мэдээллийн үер хаа сайгүй бууж байхад хамт урсаж живэхгүйн тулд үргэлж цензуртэй байдлыг олж авах хэрэгтэй байдаг.
Аливаа нэг хэвлэл мэдээллийн хэрэгслээр мэдээлэл гарангуут тухайн мэдээллийн агуулгыг бүрэн уншиж ойлголгүй нэг нэгнийгээ чичилдэг, буруушаадаг, үгүйсгэдэг хандлагаа хэзээ бид болих вэ??? Тэр дундаа нэг төрлийн ажил мэргэжил хийдэг хүмүүс бие биенээ хэмлэх нь бүр ч зохимжгүй юм.
Би өөрийнхөө одоо хийж байгаа ажилдаа өдөр бүр дурлаж, шимтэн хичээнгүйлэн хийдэг. Яагаад гэвэл би хүмүүсийг баярлаж байгааг харах дуртай. Би үндэсний үйлдвэрлэлээ дэмждэг иргэн хүн. Би дотоодын байгууллагуудаа таниулан дэвжихэд гар бие оролцож байгаадаа үргэлж талархалтай ханддаг. Энэ бол миний хувь хүний онцлог бөгөөд зарчим. Нэг хүнийг баярлуулснаар тэр хүний цаана хичнээн олон хүн давхар баярлаж байдгийг бид төсөөлөшгүй.
Миний бие цахим орчинд хувийн ашиг сонирхлоо түрүүнд тавилгүй, ашиг хонжоо харалгүйгээр нэг ч гэсэн гэр бүл унах унаатай болчихоосой гэдэг цагаахан сэтгэл өвөртлөн сайн үйлсийн аянгуудаа явуулдаг. Бид тусгай хөтөлбөрүүдээ Urankholboo пейж дээрээ зарлахдаа заавал аудитын компанийн хяналтан дор явуулах эсвэл албан ёсны Сангийн яамны тусгай зөвшөөрөлтэй газруудтай хамтарч ажиллладаг гэдгээ албан ёсоор мэдэгдэж байна.
Монгол улсад үйл ажиллагаа явуулж байгаа аж ахуйн нэгж, иргэн хэн ч хуулийн дор захирагдаж, холбогдох дүрэм журмыг баримтлан ажиллах учиртай гэж би боддог. Тиймдээ ч иргэн миний хувьд хийж байгаа бүхий л ажлуудаа хууль, дүрэм журмын дагуу явуулж ирсээн. Цаашид ч ямар нэгэн хууль, эрх зүйн зөрчилгүй олон сайхан арга хэмжээг явуулж, олон олон гэр бүлүүддээ тус нэмэртэй явна гэж боддог юм. Хүмүүсийн боддог төсөөлдгөөс өөр ертөнцийг бүтээмээр байна .
