Ерөнхий сайд асан Сү.Батболд, гэргий Х.Отгонтуяа хоёр өмнөх амьдралаасаа нэг, нэг хүүтэй нийлсэн. Харин дундаас төрсөн ууган хүүхэд нь Б.Бадамханд. Б.Бадамханд Америкт Бостоны их сургуулийн сэтгүүлчийн ангийг төгссөн гэдэг.
Сү Батболд УИХ-ын гишүүн С.Батболд намайг төрийн эргэлт хийсэн, Оюутолгойн гэрээг байгуулахад авилга авсан нь тогтоогдсон мэтээр Ерөнхийлөгч Х.Баттулга УИХ-ын индэр дээрээс мэдэгдсэн бол сүүлийн хэдэн хоног энэ асуудалтай холбогдуулан Монгол Улсын Засгийн газар намайг Нью Йорк хотын шүүхэд өгсөн боловч улс төрийн шахалт дарамтын улмаас нэхэмжлэлээсээ татгалзсан, тэр байтугай Ерөнхий сайд У.Хүрэлсүх энэ асуудлаас болж огцорсон мэтээр ор үндэслэлгүй гүтгэлэг тараагдаж байна.
Засгийн газрын аливаа нэгэн байгууллага Нью Йоркийн болон гадаадын өөр улсад ийм нэхэмжлэл надтай холбогдуулан гаргаагүй, гаргаагүй учраас татаж аваагүй гэдгээ Засгийн газрын эх сурвалжууд удаа дараа мэдэгдсээр ирлээ хэмээсэн юм.
Түүний охин Б.Бадамханд аавыгаа өмөөрч дууграв.
Тэрээр цахим хуудастаа “Сүүлийн хэдэн долоо хоногт миний хайртай аавыг улс төрийн зохион байгуулалттай гүтгэж байгаа. Улс төр муухай гэж мэднэ ээ, гэхдээ иймдээ хүрсэн гэж арай бодсонгүй. Миний аав сайн хүн. Сайн нь мууг дийлдэг жамтай хорвоо юм” хэмээн нийтэлсэн байна.
