Соёл урлагийн ертөнцөд ганц бие ээжүүд цөөнгүй байдаг. Тэдний ихэнх нь үнэнч хайраа олжээ.
Жүжигчин Б.Мишээл
“Нийслэл хүүхэн” киноны гол дүрийг бүтээгээд байгаа жүжигчин Б.Мишээл өөрийн үнэнч хайрыг ихэд нууцласаны эцэст зарлав. Түүний шинэ хайртаар Нийслэлийн Иргэдийн Төлөөлөгчдийн Хурлын Төлөөлөгч Нийслэлийн Инноваци Технологийн Асуудал Хариуцсан Төслүүдийн Удирдагч Д.Ихбаярыг сонгожээ.
Жүжигчин Б. Ариунцэцэг
Анхны амьдралаа “Outlaw” хамтлагийн гишүүн Г.Чинзоригтой эхлүүлж охинтой болсон тэрээр түүнээс хойш нэг хэсэг ганц бие ээжийн амьдралаар амьдарсан. Харин тэрээр шинэ оны босгон дээр өөрийн шинэ хайртыг олонд танилцуулж, хамт амьдарч байгаагаа мэдэгдэв. Түүний сонгосон залуу нь олны танил бус анхны амьдралаа эхлэхээс өмнө үерхэж байсан залуу гэнэ шүү.
Жүжигчин Ари
Дуулиант хурим хийсэн ч төд удалгүй хоёр тийш болсон Ари, Бидо хоёрыг үлгэр жишээ хосууд хэмээн нэрлэдэг байсан. Хоёр тийш болсон тэд нам гүмхэн байсан ч Ари шинэ жилийн баяраар бие давхар болсноо олонд дэлгэсэн. Хоёр дахь амьдралаа эхлэж охиноо дүүтэй болгохоор бэлдэж буй тэрээр шинэ хайртаа олны нүднээс ихэд нууцласаар байгаа аж.
Бүжигчин Төөгөөгийн эхнэр М.Нямсүрэн
“116” бүжгийн хамтлагийн Төөгөөг мэдэхгүй хүн үгүй. Анхны амьдралаа Ниймаа буюу “93 KIDULT” хувцасны дизайнер бүсгүйтэй эхлүүлсэн ч сайд агсаны охинруу урвасан. Хоёр тийшээ болсон ч хүүгээрээ холбогддог тэд тус тусын амьдралыг хөөсөөр өдий хүрчээ. Төөгөөгийн ex эхнэр Ниймаа бидний сайн мэдэх ‘Punk and Rap’ хамтлагийн гишүүн Г.Тэнүүнтэй үерхээд хоёр жил болж буй. Хосууд бүхий л зүйлсээ хамтдаа хийдэг бөгөөд Төөгөөтэй ч найрсаг харилцаатай байдаг гэнэ.
Жүжигчин Н.Мөнхсоёл
Саяхан өөрийн найруулагчаар ажилласан “Шумка” уран сайхны киног нээсэн бүсгүйг бид андахгүй. Найруулагч Б.Тамиртай учир ургуулж нэг хэсэг шуугиулаад авсан тэрээр шинэ хайртаа ихэд нууцлаж нандигнадаг. Жаргалаа чимээгүйхэн эдлэхийг илүүд үзсэн бүсгүйг хайрт нь хайр халамжаар дутаадаггүй сурагтай.
