Ч.Ганхуяг”Ард” санхүүгийн нэгдэлээр биткойн олборлох аргыг тасралтгүй сурталчилж буй Ч.Ганхуяг У.Хүрэлсүх даргаасаа намын 100 жилийн ойн медаль, дурсгалын зүйлс гардан авчээ.
Тэрбээр өөрийн цахим хуудсандаа “Би бээр 2009 оноос хойш тасралтгүй Бага Хурлын гишүүнээр ажиллаж ирсэн бөгөөд 4 удаагийн Их Хуралд сонгогдон оролцжээ.
Тусгаар Тогтнол, үндэсний эрх чөлөөг сэргээн мандуулсан улстөрийн ууган намын дарга түүний санаачилсан Монголын Хөгжлийн Зууныг түүчээлэн дэмжиж ажиллана. ” хэмээн бичсэн байна.
Тэрбээр У.Хүрэлсүх даргаа үргэлж дэмждэг бөгөөд У.Хүрэлсүхийн үйлдэлийг бүгдийг дууриахаар шийдсэн бололтой. Тэрбээр саяхан ачааны машин барьж, бичлэгээ цахим хуудсандаа оруулсан нь олон хүний анхаарлыг татав.
ОХУ-ын ерөнхийлөгч В.Путиныг У.Хүрэлсүх дууриадаг бол намын даргаа Ч.Ганхуяг дууриадаг ажээ.
