“Ододтой бүжиглэе” шоуны Одууд амралтын орой болгон хэл ам дагуулж эхэллээ
Дэлхийн хэмжээний шоу болох BBC телевизийн бүтээл “Dancing With The Stars”- “Ододтой бүжиглэе” шоу “MongolTV”-гээр гарч, үзэгч олныг байлдан дагуулж эхэлсэн билээ.
Уг шоуг өмнө Монголд ТВ5 телевиз амжилттай зохион байгуулсан.
Олны танил эрхмүүд мэргэжлийн бүжигчидтэй хослон бүжиглэдэг уг шоунд сагсанбөмбөгч Т.Санчир, Б.Баттөр буюу “Ангууч”, “Эмоци” продакшны залуу жүжигчин Т.Бадамжав, дуучин Ч.Уранхолбоо, жүжигчин Д.Ганцэцэг, дуучин Д.Намсрайноров, жүжигчин Ч.Ундрал, дуучин С.Эрдэнэцэцэг, модель, жүжигчин Ц.Аззаяа, загвар өмсөгч Э.Энхболд, жүжигчин Г.Дөлгөөн-Аюуш, Рэппэр Н.Цэцэнбилэг, дуучин Б.Маралжингоо нар оролцож байна.
Уг шоу эхэлсэн цагаасаа асуудал дагуулсаар байна. Нэг хэсэг нь ТВ5-н шоуг булааж авлаа гэсэн бол Латин бүжгийн хэт задгай, халуун дотно хөдөлгөөнүүд гэр бүлийнх хүмүүст таалагдсангүй.
Загвар өмсөгч Э.Энхболдын гэргий “Намайг ингэж өргөж тэвэрдэггүй” гэсэн бол оролцогч нарын гэр бүлийн гишүүдийг тус нэвтрүүлэгт урьдаггүй гэнэ. Ийнхүү “Ододтой бүжиглэе” шоу амралтын орой болгон хэл ам дагуулсаар байна.
