Хууль хяналтынхан Монгол Улсын Ерөнхий сайд Ч.Сайханбилэгийг гэргий О.Байгалийн үнэт эдлэл, алмазны дэлгүүрт шалгалт оруулжээ.
Мисс О.Байгал Америкт нөхрөө даган амьдарч байхдаа “манюкур, педикур” сурч, эх орондоо 2004 оны УИХ-ын сонгуулийн өмнөхөн ирэхдээ “Байгал” гоо сайхны салон ажиллуулан бизнесийн гараагаа эхлүүлсэн. “Байгал” гоо сайхны салоныг нь сайн найз загвар өмсөгч Э.Одгэрэл, топ модель Ч.Туяацэцэг нар нүүр царай нь болж сурталчилдаг.
О.Байгал хатагтай 10 гаруй жил гоо сайхны салон ажиллуулсны эцэст эр нөхрөө Ерөнхий сайдаар ажиллах үед Зайсанд алмазны дэлгүүр нээн ажиллуулсан билээ. Эдийн засгийн хямрал нүүрлэж, иргэд нь талх байцаа таллаж, төмс ширхэглэж, ургамлын тос граммлан авч хэцүүхэн амьдар байхад Ерөнхий сайдын мисс гэргий “тансаглалаа” гэж шүүмжлүүлж байсан.
Мисс О.Байгал өөрөө загварыг нь гаргасан дизайнер Алтантуяа болон Байгал нарын бүтээл “БАЙГАЛ” брэндийн “Тоонот ГЭР” загварууд болох тоонолжин хээтэй алмазууд бүсгүйчүүдийн сонирхлыг татаж, “Гоёо” ноолуурын үйлдвэр хамтарч байсан.
9 каратын цагаан алт, 2.26 каратын 112 ширхэг очир эрдэнэ, оюу орсон гэсэн танилцуулгатай үнэт эдлэлийг “авгайдаа хайртай хүн авдаг л эд” болж чадсан.
Алмазны бизнес эрхэлж амжилттай яваа хатагтай О.Байгал Италийн алдарт Valentino брэнд Монгол улс дахь салбар дэлгүүрээ Baigal брэндтэй хамтран нээсэн цаг саяхан.
Гэвч нөхрийг нь хоригдож байх хугацаанд тус дэлгүүрт шалгалт оруулж, авилгалийн мөнгө тус дэлгүүрт шингэсэн байж магадгүй гэх утга бүхий захидалыг Итали руу явуулсан нь хатагтай О.Байгальд нэлээд хүнд тусаад байгаа сурагтай.
