Монголын Бүжгийн Спортын Холбооны шүүгч, Латин формейшн бүжгийн ДАШТ-ний 5, 6-р байрны шагналт “Moon dance” хамтлагийн үүсгэн байгуулагч, удирдсан багш дасгалжуулагч, бүжиг дэглээч Очирхүүгийн Саранхүү өдгөө “Ододтой бүжиглэе” шоуны хүндэт шүүгчээр ажиллаж байгаа.
Чамин хээнцэр төрхтэй түүний ээмэг, үсний гоёлууд охид бүсгүйчүүдийн харцыг булаадаг. Бүсгүйчүүдийн дунд “Энэ ээмгээ хаанаас авдаг юм бол?” гэх асуултууд яригддаг гэсэн.
Бүжгийн спорттой амьдралаа салшгүй холбоод 20 жил болж байгаа түүний дасгалжуулсан тамирчдаас бүжгийн спортын олон улсын хэмжээний мастер 21 тамирчин, спортын мастер 35 тамирчид төрсөн гэдэг.
Бүжгийн спортын хөгжил, Монгол улсын багийн спортын амжилтад үнэтэй хувь нэмрийг оруулж буй түүний талаар нэгэн сонирхолтой мэдээлэл дуулгая.
О.Саранхүү шүүгч тус шоуны оролцогч Ангууч буюу Баттөрийн пратнёр Халиуны хадам эгч гэсэн шүү. Өөрөөр хэлбэл, бүжигчин Халиун О.Саранхүү шүүгчийн төрсөн дүүтэй гэр бүл болсон гэнэ лээ.
