Монголын рок попын ертөнцөд 24 жил оршин тогтнож буй “Sweetymotion” хамтлагийг хүмүүс сайн мэднэ. Тус хамтлагийн дуучин Г.Сүндэрмаа өдгөө хоёр хүүхдийн ээж болсон ч, охид бүсгүйчүүдэд эрүүл хооллолт, зөв дадал зуршлыг уриалж, түүнийгээ ч өөрийн биеэр үлгэрлэдэг.
АНУ-аас ирсэн даруйдаа гэр бүл зохиосон тэрээр анх нөхөртэйгөө 2011 онд танилцаж байжээ. Тухайн үед дуучин бүсгүй рүү хандрах эрчүүд их байсан бөгөөд энд тэндээс мэссэж их ирдэг байсан гэнэ. Энэ тухайгаа тэрээр нэгэн хэвлэлд ярихдаа “Утсаар бид танилцаж байгаа. Таних танихгүй хүмүүсээс мэссэж их ирнэ.
Тухайн үед манай нөхрийн мэссэж их онцлог, анхаарал татдаг байв. Манай найзуудаас утасны дугаар аваад бичиж байсан гэдгийг сүүлд мэдсэн. Тэгээд хоорондоо үерхэж байгаад бэр гуйгаад л хурим найр болсон доо. Одоо том охин маань 10 настай, бага охин маань зургаан настай. Охид маань аавыгаа дууриагаад их нуруулаг болохоор наснаасаа том харагдах гээд байдаг. Сошиалаар явж буй гэр бүлийн зургийг бараг хоёр жилийн өмнө авахуулсан юм” хэмээн ярьжээ.
Түүний хань “Эрдэнэс Монгол” компанийн Зам тээврийн ложистикийн даргаар ажилладаг аж.
