УИХ-ын гишүүн асан, МУГЖ дуучин С.Жавхлан “Карантин 14” шоу нэвтрүүлэгт оролцох үедээ хонины хяравсалж чанасан толгой шийрэнд барьц алддаг тухайгаа хэлсэн.
Учир нь түүний хувьд маш махсаг хүн аж. Энэ тухайгаа тэрээр “Толгой шийр хараад бараг уйлахаас наагуур юм болно доо. Хоолыг их бадарч, ерөөж иддэг. Таван цул, толгой шийрэнд их дуртай. Би өөрөө ч хоол хийхдээ гуриланд бухалж мах чанах дуртай.
Сүүлийн үеийн залуус та¬ван цу¬лаас зугтдаг болсон. Ня¬райлсан эхэд хамгийн тү¬рүүнд булчинлаг махаар хоол хийж өгдөг. Учир нь тухайн ээж төрөхдөө булчин нь асар их тэлж, маш их тамирдсан болохоор булчин махаар шөл хийж өгдөг.
Хүүхдээ бор хоолонд оруулахдаа мон¬голчууд хонины сүүлний годон¬гоос эхэлж шөл хийж өгч бор хоо¬лонд оруулдаг. Харин одоогийн залуус таван цул болон толгой шийрний үнэр танараас зугтааж, дэлхийн хамгийн аймшигтай хоол гэж ойлгож байна. Таван буянт мал сүрэг бидэнд хувь тавилгаар заяасан юм шүү. Хорвоогоос өгч байгаа маш том эрдэнэ.
Монголчууд толгой шийр, таван цулыг “хаан хоол” гэж нэр¬лэдэг.
Монголын эртний хаа¬дууд ухаантай байсан уч¬раас толгой шийр, таван цул, дал дөрвөн өндөр, өвчүү, ураг сүүлийг зооглодог бай¬жээ. Энэ нь асар их амин дэм¬тэй учир өндөр настан, хамгийн хүнд¬тэй зочиндоо өгдөг байжээ. Хонь гар¬га¬хаараа айл хотлоороо бүгд хувааж иддэг байсан.
Таван цулаас нэг нь дутуу байвал буцаадаг тийм нан¬дин эрхэм хоол юм. Өөрөөр хэлбэл, энэ нь хамгийн том эрчим хү¬чийг хувааж биедээ авч байна гэсэн үг. Энэ эрчим хүч юунд оршоод байна вэ гэхээр Монголын агуу хөрст ногоон газарт оршдог” хэмээн ярьжээ.
Түүний идэх дургүй хүнсэнд цагаан будаа ордог аж. Барагтаа хүнсэндээ хэрэглэдэггүй гэсэн шүү.
Ташрамд дуулгахад, С.Жавхлангийнх гэр бүлээрээ нэг, нэг модон тагштай бөгөөд аягаа хөдөө, гадаа явахдаа байнга авч явдаг ажээ.
