Ням гариг бүрд үзэгчдийг телевизийн өмнө уях болсон “Ододтой бүжиглэе” шоуны шүүгчээр дуучин С.Наран, бүжигчин Ш.Баасан, О.Саранхүү, хөтлөгч Ууганаа нар ажиллаж байгаа.
Тэдний дундаас “Moon dance” хамтлагийн үүсгэн байгуулагч, өмнө нь тэр бүр олны өмнө гараад байгаагүй СТА О.Саранхүү шүүгч олны анхаарлыг өөр дээрээ татах болсон.
Өдгөө 42 настай шүүгч бүсгүй маань хамтран бүжиглэгчтэйгээ гэрлэж, хоёр хүүхдийн эцэг эх болсон. Түүний нөхөр Очирхүү өдгөө “Moon dance” хамтлагийн дасгалжуулагч бүжигчнээр ажилладаг аж. Мөн түүний том хүү тус хамтлагт бүжиглэдэг гэсэн.
Тэгвэл Mongol HD телевизээр түүний нөхөр Очирхүү рекламны орон зайг эзлэх болсон байна.
Сонирхуулахад, шүүгч О.Саранхүү нөхөртэйгөө 2004 онд ХААИС-ийн Хатантуул хамтлагт байхдаа танилцаж байжээ.
