Хүн нэмбэл, хүнс нэмдэг гэх хэлц үг бий. Хөл хорионы өдрүүдэд монголын олны танил хэд хэнд гэр бүл шинэ хүнээ өлгийдөж, гэр бүлийн аз жаргалыг мэдэрч сууна. Тэднийг тоймлон хүргэе.
МУГЖ Л.Баттулга
Х-Түц хамтлагаас ажлын гараагаа эхэлсэн МУГЖ Л.Баттулга буюу Аглууг танихгүй хүн ховор. Тэрээр 7 дахь хүүхдээ өлгийдсөн. Хоёр дахь эхнэрээрээ жүжигчин Оюунчимэгийг сонгосон тэрээр 40 нэлээд гарсан хойноо дахин шинэ хүнтэй болсондоо магнай тэнэгэр явдаг гэнэ лээ.
Түүний гэргий Оюунчимэгийн дөрөвдэх хүүхэд юм.
Мөрөөдлийн театрын Г.Эрхэмбаяр
Мөрөөдлийн театрын захирал Г.Эрхэмбаяр анхны эхнэрээ гурван хүүхэдтэй нь орхиж, бага охиноо дагуулсаар жүжигчин Намуунтай дэр нэгтгэж байсан цаг саяхан. Хэн хэн нь дахин хүүхэдтэй болохдоо бэлэн биш хэмээн ярьж байсан тэд хэдхэн сарын өмнө шинэ хүнээ өлгийдсөн.
Жүжигчин Г.Эрхэмбаяр ч сайн аав гэдгээ харуулж, эхнэрээ алган дээрээ бөмбөрүүлж байгааг түүний эхнэр Намуун стори дээрээ байнга оруулдаг.
“Фантастик”-ын Баярбат
37-р точка киноны хэсэг дээр уснаас гарч ирж, хүүхнүүдийн “хатан нуруу”-г хугалсан хүн бол Фантастикийн Баярбат. Анхны эхнэрээсээ салаад багагүй хугацаанд хүү, охины хамт ганц бие аавын дүрээр амьдарч байсан тэрээр нэг л өдөр дахин гэр бүл зохиосон. Бие бялдараараа хүүхнүүдийн харцыг булаадаг тэрээр эхнэрээ гаргаж ирэхээс өөр аргагүй байсан биз.
Харин өнгөрсөн долоо хоногт гэнэт л бяцхан хүүгээ өлгийдөөд хэдхэн хонож байгаагаа дуулгасан “гэнэтийн бэлэгтэй” залуу.
“ТВ коктейль”-ийн Цоомоо
Одоогоос 10-аад жилийн өмнө ТВ коктейль жинхэнэ од байлаа. Тус нэгдлийн жүжигчин Цоомоо 30 хол гарсан насандаа гэр бүл зохиож, өдгөө хоёр хүүхдийн аав болжээ. Түүний гэргий Өүжин мед эмнэлгийн санхүүгийн албаны дарга бөгөөд гэрээсээ ажилладаг гэсэн.
еХарин мань хүн жил дараалан төрсөн бяцхан үрсээ хариуцаж, гэрийн ажлаа нугалж байгаагаа нэгэн нэвтрүүлэгт орох үедээ дуулгасан билээ.
“Банш” Батаа
Мөрөөдлийн театрын Батаа өдгөө 4 охины аав болжээ. Зүс ижил Булгантамир бүсгүйг ханиараа сонгосон тэрээр энэ амьдралдаа аз жаргалтай, сэтгэл дүүрэн байдаг гэдгээ фенүүдээсээ нуудаггүй. Булгантамир бүсгүйтэй танилцахаас өмнө нэгэн бүсгүйгээс хүү төрүүлсэн гэдгийг хэвлэлүүд бичдэг. Гэвч тэрээр энэ тухай хэвлэлд ярихаас жийрхдэг.
“Банш” Батаа буюу Баттөмөрийн охид бүгдээрээ нэрэндээ “сар” дагуулсан гэдгээрээ онцгой.
