Эрүүл мэндийн сайд асан А.Цогцэцэг өдгөө намын харъяалалаас гарч, тэтгэвэртээ суусан. Хөл хорионы үеэр эмнэлгийн малгай, халат оёж өдрийг өнгөрүүлж байгаа тэрээр өөрийн цахим хуудсаараа ковидтой холбоотой мэдээллийг өгсөөр буй.
Тэрээр “Цахилгаан шатаар болж өгвөл зорчихгүй байхыг хүсье! Учир нь хаалттай битүү орчинд ковидын халдвар тарах магадлал маш өндөр. Мөн металь гадаргуу дээр SARS-CoV-2 вирус хамгийн удаан байж чаддаг. Та нар минь хөл хориотой ч амьдарч буй орчиндоо идэвхитэй байгаарай” хэмээн бичжээ.
Түүний хувьд эрүүл мэндийн салбарт 40 жил ажиллассан 2003 оноос Зуун айл дахь Арьсны өвчин судлалын үндэсний төвийн ерөнхий захирлаар ажиллаж байгаад 2013 онд Эрүүл мэндийн сайдаар томилогдон ажиллаж байсан нэгэн.
Сайд солигдох бүртээ том эмнэлгүүдийн дарга нарыг өөрийн талын хүнээр сольж, халдаг ч суудлаасаа ховхролгүй үлдсэн цорын ганц дарга. Аль ч төрд нүүртэй хүн гэдэг дээ, А.Цогцэцэг тийм л хүн.
Харын сэтгэлээр бодвол тэр том “ар тал”-тай байх. МАН-ын нөлөө бүхий гишүүдийн нэг, УИХ-ын гишүүн Нямаагийн Энхболдтой худ ургийн холбоотой. Эрхэм гишүүний хүү, эмчийн охинтой гэр бүл болсон гэдэг.
