“Ийм нэгэн дурлал”, “Мойлхон”, “Хуримын сюрприз”, “Миний хайр” зэрэг киноны гол дүрийг бүтээсэн жүжигчин Б.Баярмаа пластик мэс засалд орохоор зэхэж буй бололтой.
Тэрээр өөрийн цахим хуудаснаа гоо сайхны эмнэлгээ сурталчлаад “Эмчдээ үзүүлэх зуураа ингэж уйдав” хэмээн стори хийжээ.
Түүний хувьд энэ жил 34 нас хүрч буй. МУГЖ Г.Ариунбаатартай дэр нэгтгээд 5 жил болж буй бөгөөд түүнд 2 хүү төрүүлж өгсөн.
Б.Баярмаа СУИС-ийн кино драмын ангийг жүжигчний мэргэжлээр дүүргэсэн, аав нь уурхайд ажилладаг, ээж нь хуульч мэргэжилтэй, Багануурт төрж өссөн, багаасаа бүжиглэх дуртай нийгмийн идэвхитэй хүүхэд байсан гэх даруу намтартай. Гурван том охиных нь аав Н.Ариунболд хэмээх залуу байдаг бөгөөд хамтдаа кино нээлтэнд ирж байсан нь гэрэл зургийн хальснаа үлджээ.
Жүжигчин бүсгүйчүүд дунд тогтсон амьдрал, үр хүүхдүүдтэй, авьяаслаг даруухан гэдгээрээ ялгардаг байсан Б.Баярмаа нэг л өдөр охидынхоо ааваас салж дуучин Г.Ариунбаатартай дотносож дэрсхэн хоёр хүүг нь төрүүлсэн.
Бүсгүй хүнийг “бонус”-тай гэж хэлдэг хэлцээс энэ удаад зайлсхийе. Хүүхэд бол бүхэл бүтэн хүн. Бонус гэж нэрлэж болохгүй билээ. Г.Ариунбаатар цэцэг шиг охидтой өнөр бүлийн тэргүүн болсон. Наснаасаа эрт гэр бүлийн амьдрал үзэж алдаж онож томоожсон тэрбээр одоо хий хуй нь дарагдаа биз. Хоёул урлагийн хүмүүс тул бие биенээ ойлгохгүй гэх газаргүй. Насны хувьд ч үе чацуутан хоёр. Хүний амьдралыг хэн ч өмнөөс нь шүүж жингийн туухай дээр дэнслэх эрхгүй билээ.
