“Зариг” мэдээллийн сайтын эзэн Н.Өнөрцэцэг өөрийн цахим хуудсаараа дамжуулан сэтгүүл зүйн салбарынхнаасаа уучлалт гуйлаа.
Тэрээр “Уучлаарай. Салбарынхаа зарим сэтгүүлч нарт хатуу үг хэлжээ. Уучлаарай, миний буруу. Олон сэтгүүлчээ эмзэглүүлсэнд хүлцэл өчье” гэжээ.
Тэрээр хоёр хоногийн өмнө сэтгүүл зүйн салбарт мөр зэрэгцэн ажиллахгүй юм шиг аашлаж, “Манай салбарынхан шээс нь гоожлоо. Ялангуяа сэтгүүлчид. Хүссэн асуултаа асууж байна, ямар ч цензур алга. Мэдээллийн урсгал контентод багтаж ажиллаж байгаадаа маш их баяртай байна” гэж байсан юм.
Түүнийг ингэж бичсний дараагаар Мэдээллийн урсгал хөтөлбөрт багтсан сэтгүүлчид биесээ өмөөрөхдөө цахим орчинд доромж үг, утга ашигласан нь олны анхаарал татсан.
Сэтгүүлч Ч.Лодойсамбуу “Сэтгүүлчид нь ийм тэнэг. Сэтгүүл зүйгээ мэргэжлийн зорилгоо ч ойлгодоггүй. Ийм болохоор нь үзэг нэгтэй мэгтэй гэж хэлүүлэх дургүй байдаг юм. Онцгой, хүнд ийм үед яах гэж байдгаа бодоод ганц удаа нэгдэж чадахгүй юм бол энэ улс сэтгүүлч нэртэй террористуудаар яах юм. Хэнд ч хэрэггүй!” гэж байв.
