Өчигдөр 4 дүгээр сарын 29. Дөрөвдүгээр сарын 29-ний өдөр Оросын хаан Николай, Японы эзэн хаан Акихито, сумоч Кайёо зэрэг хүмүүс мэндэлсэн байдаг.
Энэ өдөр “МАК”-ын үүсгэн байгуулагч Б.Нямтайширын ганц охин Н.Цэлмүүн энэ өдөр мэндэлжээ. Тэрээр өчигдөр 39 нас хүрлээ.
Түүний аав бол Монголын топ баячуудын нэг Нямтайшир. МАК компанийн эзэн гэдгээр нь монголчууд андахгүй. Уул уурхай, тоног төхөрөмжийн салбарт тэргүүлэгч тус компанийн Ерөнхийлөгчөөр Нямтайшир охин Цэлмүүнээ ажиллуулдаг.
Ямар ч эцэг, эхэд үр хүүхэд нь “Бяцханаараа” санагддаг ч Нямтайшир охиноо “эрийн цээнд” хүрсэн гэж итгэдэг бололтой.
“МАК”-ийн Б.Нямтайшир өөрийн эртний анд Даваагийн хүү Цолмонг өөрийн охиндоо тохирох залуу гэж сонгож “MCS”-д ажиллаж байхад нь хүргэнээ болгон охин Цэлмүүнтэйгээ суулгасан. Тэрбээр охиныхоо хуримыг Хэрлэнгийн хээр талд байрлах жуулчны баазад хөл хөдөлгөөн ихтэй хийсэн бөгөөд хуримд 400 саяыг зарлагадсан гэдэг. Харамсалтай нь 400 саяар хуримласан хосын амьдрал дөрөвхөн жилийн настай байжээ.
Н.Цэлмүүн 2013 онд ХАС банкны ТУЗ-ийн гишүүнээр томилогдсон байдаг. Анх 2005 онд Худалдаа Хөгжлийн Банкны хөрөнгө зохицуулалтын хэлтсийн мэргэжилтнээр ажлын гараагаа эхэлж байсан тэрээр банкны салбарыг багагүй гадарладаг гэнэ лээ.
Н.Цэлмүүн нь АНУ-ын Индиана мужийн Валпараисо Их Сургуулийг бизнесийн удирдлагын чиглэлээр төгссөн бөгөөд ХонгКонг дахь Стэнфордын Их сургуулийн Санхүүгийн инженер, Харвардын “Executive Education” хөтөлбөрт хамрагдаж байжээ. Боловсролдоо анхаардаг чамбай бүсгүй.
Монголын баячуудын хүүхдүүд нийлж “Монголыг аварья” нэртэй клуб байгуулсан. Н.Цэлмүүн, О.Чулуунбат агсны хүү Ч.Бөрдөнбат, “Гацуурт”-ын Ч.Номин, Х.Бадамсүрэн гишүүний хүү Б.Бадрах, Ш.Сайхансамбуугийн охин С.Эрдэнэтуул, “Хас”-ын Ганхуягийн дүү Ганзориг нарын сонирхолтой хүмүүс клубт байдаг гэдэг.
