Зохиолын дууны ертөнцөд өөрийн өнгө төрх, дуу хоолойгоороо гарч ирсэн уран бүтээлч бол дуучин Д.Идэржавхлан. Гурван сайхан охины аав тэрээр бага охинтойгоо залхуу бууз хийжээ. Охин нь анх удаагаа хийж буй учир дурсамжийг нь мөнхөлж буйгаа бичжээ.
Тэрээр “Аав бодож бодож залхуу бууз хийв. Гэгээнээ туслав.Миний охины хийсэн анхны бууз. Анхны юм гэдэг дурсамжтай. Аав нь зураг болгон үлдээлээ” хэмээн бичжээ.
Дуучин залуугийн хувьд Өвөрхангай аймгийн Төгрөг сумын харъяат оюутан ахуйгаасаа уран бүтээлээ туурвиж олноо танигдсан. Жүжигчин З.Ононгийн нөхөр юм. Тэд бага охиноо төрөхийн өмнө ёслол төгөлдөр нижгэр хурим хийж, ах дүү найз нөхдийнхөө ерөөлийг сонсон билээ.
