“Хэцүү анги“, Миний ах атаман зэрэг уран бүтээлүүдээрээ үзэгчдийн танил болсон жүжигчин М.Баярбат сүүлийн үед аавын үүрэг гүйцэтгээд завгүй.
Түүний шинэ эхнэр Аззаяа нярайлаад удаагүй байгаа бөгөөд мань хүн хүүхдийнхээ даавуу, хувцасыг угаагаад уран бүтээлч гэдгээ ч мартаж байгаа гэнэ лээ. Өөрийнхөө цахим хуудаснаа нялхынхаа зургаар гангарсан нь олон хүнд сайхан сэтгэгдэл төрүүлж “Аз жаргалтай ажил хийж байгаа юм байна” гэх сэтгэгдлүүдийг хүлээж аваад байгаа аж.
М.Баярбатын хувьд гадаад төрх, биеийн галбиртаа ихээхэн анхаарах нэгэн. Гэвч хөл хорио, шинэ хүн гээд гэртээ ч дасгал хийхгүй байгаа гэсэн.
Түүний “37-р Точка олон ангит киноны Ялалтын дүрээр охид, бүсгүйчүүдийн анхаарлыг өөртөө татдаг. Өмнөх эхнэрээсээ төрсөн хоёр хүүхдээ эмээтэй нь амьдруулж байгаа гэсэн.
М.Баярбатын “Зүрхний хилэн“, “Байтаг богд“, “Маш нууц“ зэрэг дэлгэцийн бүтээлд амжилттай тоглосныг нь магтахгүй байхын аргагүй.
Бүсгүйчүүдийн хүсэмжит залуусын жагсаалтын эхэнд бичигддэг түүний шинэ эхнэр Аззаяа бүсгүй хүүхдүүдтэй нь өөрийн хүүхэд шиг харьцдаг, хайр халамжаар дутаадаггүй нь сэтгэлийг догдлуулдаг гэсэн шүү.
