Сэтгүүлч Мөнхбаясгалан “Мэдээллийн урсгал” хөтөлбөрийн талаар цахим хуудаснаа бичжээ.Тэрээр “Манай дөрөв трэнд болсоор л. Зарим үед үнэхээр тэнэг юм асууна, зарим үед “гоол” хийнэ.
Тэднийг баалж байгаа манай үеийн “хөгшчүүлдээ” хандаж хэлэхэд “ бид ч залуу байсан. Адилхан л алдаж гэнэддэг байсан. Тэр үед даанч сошиал байсангүй. Хэрэв байсан бол бид ч эднээс илүү манаргаа даа… хэ хэ тийм биз дээ. Одоо цаг үе өөр болсон.
Эд хэдхэн жилийн дараа тун айхтар сэтгүүлчид болно, гарцаагүй. Тиймээс нэг их доромжлоод байхгүй шинэ үеэ хүлээж авья. “ Харин хэл амны бай болсон 4- ийн хувьд Засгийн газрын санхүүжилттай юманд яваад орчихдог нь зарчмын алдаа. Гээд яахав дээ, тэдний л сонголт….
Бид дургүй байна, тэд дуртай байна. Үеийн үед ийм л байсан, цаашид ч ийм л байна. ЖДҮ илрүүлж Засгийн газрыг дэнжигнүүлж явсан сэтгүүлч хүүхэн өнөөх ЖДҮ-чдийнхээ хэвлэлийн төлөөлөгч болоход шүүмжлээгүй байж энэ 4-өө “барьж идэх” хэрэггүй санагдана.
Эдний алдаан дээр ч сэтгүүл зүй тогтоно… тиймээс яадаг юм бэ, туулаад л гараад ир.” гэв.
