Гандангийн дэнж дээр өссөн ихэд шүтлэгтэй “Нарантуул”-ын Ш.Сайхансамбуу хөгшрөлтийн төлөвлөгөөгөө гарган буяны ажил хийж үлдсэн насаа өнгөрүүлэхээр сэтгэл шулуудаад буй. Захаа нээсэн өдрөөс өнөөдрийг хүртэл түрээсээ нэг төгрөгөөр ч нэмээгүй түүний ихэнх бизнес угтаа бол хилийн чанадад байдаг.
Харин бидэнд харагддаг “Нарантуул” гадаад бизнестэй нь харьцуулахад зүгээр л бохины мөнгө гэсэн үг. Улс төрд бас ч гэж одгүй нэгэн биш болохоо харуулж Төрийн ордонд өрөөтэй болсон ч тэр тэгтлээ асаж дүрэлзэж улс төр хийдэггүй хүн. Бас болоогүй өнгөрсөн 2020 оны УИХ-ын ээлжит сонгуулийн өмнө “Нарантуул”-аа хэдэн арван тэрбумаар арилжсанаа дуулгасан.
Түүний охин НИТХ-ын төлөөлөгч, Үндэсний цэцэрлэгт хүрээлэнгийн даргаар чамгүй хугацаанд ажиллаж байлаа. Гэвч тэр улс төрөөс хөндийрөхөөр шийдэж бүх ажлаа өгсөн. Ахиж улс төрийн тогоонд орохгүй гэдгээ ойр дотныхондоо дуулгаж яваа сурагтай.
Түүний хувьд өнгөрсөн жилүүдэд Төрийн албанд ажиллаж 2000 мянган төгрөгний хоол идэж төрсөн өдрөө 200 мянгад багтаан тэмдэглэдэг энгийн эмэгтэй гэж мэддэг нэгэн нь хэлдэг.
