“Хайрын тавилан”, “Бүсгүй ааль”, “Гэргийн дуу”, “Үнсье”, “Ээж өглөө хоёр”, “Эрийн тэнгэр” зэрэг олон сайхан дуугаараа олны хайр хүндэтгэлийг хүлээж МУГЖ хэмээх эрхэм цолыг хүртсэн хүн бол дуучин Д.Энхзул.
Өдгөө 55 нас хүрсэн тэрээр өтлөх тусам жавхаажиж өөрийнхөө гоо үзэсгэлэнг тодотгосоор. Жингээсээ бараг 20 кг хассан тэрээр давхараа оёулж тормолзоод чухам. Нэгэн цагт хэвлэлд өгсөн ярилцлагандаа “Би жинхэнэ халуухан бүсгүй” хэмээн хэлж олны анхаарлыг татаж байсан тэрээр “Хувцсандаа би маш их мөнгө зардаг. Тайзныхаа хувцсанд их анхаардаг.
Дандаа гадаадаас брэндийн хувцас авдаг. Жирийн амьдрал дээрээ зүгээр л энгийн чөлөөтэй хувцаслах дуртай. Тэгэхдээ бас жаахан ориг. Үнэт эдлэлийг залуу байхдаа сонирхдоггүй байсан. Одоо бас нас ч жаахан явж байна. Хүмүүс ч өмссөн зүүснээр нь дүгнэдэг болчихсон цаг юм. Тийм болохоор жижигхэн, чамин хийцтэй цагаан алт цуглуулдаг. Аймаар том шар алтанд дургүй. Би төмрийн харшилтай. Би нөхөртөө “Миний бие дандаа сайн эдлэл зүүх ёстой, тавилантай болохоор ингэж харшлаад байгаа юм. Дандаа мөнгө, мөнгөнөөс дээш үнэт эдлэл зүүх заяатай” гэж онгирдог юм. Тоглолтын зүүлт ч гэсэн дандаа мөнгө, үнэт чулуу байдаг” гэжээ.
