Монголын кино урлагийн ноён оргил, амьд домог болсон Цагааны Цэгмэд агсны отгон хүү Ц.Төмөрхуяг цэл залуу насандаа ийм сайхан залуу явжээ.
Үеийнхээ уран бүтээлчдээс авъяас чадвар, ньюанс, харизмаараа ялгардаг түүнийг тулааны мастер Ангууч буюу Баттөртэй зүйрлэсэн зүйрлэлийг жүжигчин Д.Оюунтуул “Жүжигчин Төмөрхуяг ах маань залуу насандаа тэр үеийнхээ Ангууч байжээ. Хардаа үнэхээр адилхан байдаг шүү” хэмээн бичсэн байна. Нээрээ ч мэдэхгүй хүнд тэднийг төрсөн эцэг хүү гэж хэлвэл, төстэй ч юм шиг.
Жүжигчин Ц.Төмөрхуягийн хувьд хувийн амьдралаа ихээхэн нууцалдаг. Гурван жилийн өмнө өгсөн ярилцлагандаа “Хэрвээ би бусдад гавьяа шагнал олгодог хүн байсан бол ядарсан муу жүжигчид, тэр гавьяа тэмдгийнх нь оронд ганц өрөө байр өгчихвөл илүү хэрэгтэй шүү дээ. Аль эсвэл ипотекийн зээлд хамруулаад 30 хувийг нь төлөөд та цааш нь төлөөд яваарай гэх байсан. Намайг хүмүүс их баян гэж боддог байх. Би сарын 550 мянган төгрөгийн түрээсийн байранд амьдардаг” гэжээ.
