“Ододтой бүжиглэе” шоуг тойрсон сенсаци олны анхааралд байсаар байна. Өнгөрсөн ням гаригт жүжигчин Дөлгөөн-Аюуш, Нандин-Эрдэнэ нарыг шоугаа төгсгөсөн.
Хамгийн бага үзэгчдийн санал хураалт авсан сагсчин Санчир, жүжигчин Дөлгөөн-Аюуш нараас шүүгчид сонголтоо хийх үе О.Саранхүү шүүгч тэдний эсрэг өгсөн нь үзэгчдийн шүүмжлэлийг дагуулаад байна. Учир нь тэднийг цаашид илүү сонирхолтой үзүүлбэр үзүүлж чадахгүй гэдэгт эргэлзэж байгаагаа илэрхийлсэн. Үзэгчдийн хувьд сагсчин Санчираас жүжигчин Дөлгөөн-Аюушийг хүчтэй өрсөлдөгч хэмээн харж байсан юм.
Үзэгчдийн сэтгэгдлийг сонирхвол “О.Саранхүү шүүгч хувийн ашиг сонирхлоо ил гаргахаа болино уу. Финалд Санчир биш Дөлгөөн-Аюуш үлдвэл илүү үзүүштэй өрсөлдөөнтэй болох байсан. Дөлгөөн-Аюушаас хамаагүй их зүйл гарах байсан. Хувийн амбицаараа хандаж, бэрээ түрүүлүүлэх гэж замыг нь цэвэрлэн хүчтэйгээс нь эхэлж хасч байгаа юм уу. Хамгийн шударга бус шүүлт байлаа. Өсөн дэвжиж байгаа байдал өмнөх хойших үзүүлбэрүүд гэх мэт зүйлс хамаардаггүй зөвхөн өнөөдрөөр гэсэн шүүлт хийдэг шүүгч байдаг л юм байна. Ийм шүүгчтэй дэлхийн хэмжээний шоу зөвхөн монголд л байдаг юм байх. Ичиж үхмээр юм” хэмээн бичжээ.
О.Саранхүү шүүгч тус шоуны оролцогч Ангууч буюу Баттөрийн пратнёр Халиуны хадам эгч юм. Өөрөөр хэлбэл, бүжигчин Халиун О.Саранхүү шүүгчийн төрсөн дүүтэй гэр бүл болсон.
