УИХ-ын гишүүн асан, Даян аварга А.Сүхбатын отгон гэргий гэдгээр олонд танигдсан Н.Гарамханд бүсгүй өнөөдөр 29 нас хүрч байна.
Хорь хүрээгүй насандаа анхны хайраа А.Сүхбат аваргад өгч, улмаар хоёр хүүг нь төрүүлсэн тэрээр өдгөө ганц бие ээж. Хоёр жилийн өмнө 20 насаар ах нөхрөөсөө салах шийдвэрийг гаргасан тэрээр энэ салалтдаа огтхон ч харамсдаггүй гэнэ лээ.
Тэрээр хэвлэлд өгсөн ярилцлагандаа “Мэдээж би эр нөхөр байсан хүнээ маш хүндэлдэг.Анхнаасаа бид хоёрын хайр сэтгэл хүндлэл дээр тогтсон. Үүн дээр би нэг л юм хэлнэ. Хүний харилцаа, найз нөхөд, ээж аав, ах дүү, амраг садан, хань ижил, цаашлаад хамт олны харилцаа цэвэр хүндлэл дээр л тогтдог. Тэр хүндлэлийн хязгаарыг даваад ирэх юм бол, эсвэл хүндлэл дуусах юм бол харилцаа дуусдаг гэж би ойлгодог. Хүндлэл дуусах юм бол харилцаа дуусна.
Миний хувьд би хүнтэй харилцахдаа яг л ийм зарчим баримталдаг. Миний хүндлэл, үнэлэмж дуусаад ирэх юм бол тухайн хүнтэй харилцаа дуусна” гэжээ.
