“Бүсгүй хүн цагаан зээр хоёр нутаггүй” гэдэг үгийг өөрийн амьдралаараа үлгэрлэж яваа бүсгүй бол Sherwood Сувдаа.
Хайр сэтгэлээ даган АНУ-ыг зорьж, хадамд гарсан тэрээр өдгөө дөрвөн дэх хүүхдээ хүлээж буй.
Өөрийн бэлдсэн блогоороо амьдралын үнэ цэнэ, мөн чанар, америкчуудын ахуйн соёлыг харуулдаг. Түүнийг гадаад залуутай гэр бүл болсонд дургүйцэх хүн цөөнгүй. Гэхдээ тэр жаргалтай амьдарч яваа.
Тэрээр өөрийн цахим хуудаснаа “Бусдыг уучлах ухаантай бай, гэхдээ өөрийг тань дахин өвтгөхийг битгий хүлээн зөвшөөр.
Уучилсан болохоор л буцаад өөрийнхөө ертөнцөд орохыг зөвшөөрнө гэсэн үг биш. Зарим нэг хэзээ ч өөрчлөгддөггүй хортой хүмүүсийг хайрлаад, уучлаад хаячих шиг сэтгэлийн амар амгалан гэж байхгүй ээ.
Ганц олдох Нандин амьдралаа үнэ цэнэтэй хүмүүсдээ л зориулаарай” хэмээн бичжээ.
