Хувийн амьдралаараа сенсаци тарьдаг дуучин Т.Дэлгэрмөрөн өдгөө том охинтойгоо хоёулаа амьдарч байгаа. Түүний том охин Д.Зөөлөнсий Хөгжим бүжгийн дунд сургуульд дунд ангид суралцдаг.
Тэгвэл Д.Зөөлөнсий охин үеийнхнээсээ сурлаг, спортоороо манлайлж “Нийслэлийн шилдэг сурагч” болжээ. Энэ тухайгаа өөрийн цахим хуудаснаа бичиж, сэтгэгдэл өндөр байгаагаа илэрхийлжээ.
Түүний аав дуучин Т.Дэлгэрмөрөн олон сайхан дуунуудаараа ард түмний хайрыг татаж, түүнийхээ хэрээр үг, үйлдэлээ үргэлж л “үнэн” байлгахыг хичээдэг. Хүмүүний амьдралд тохиолддог зовлон бэрхшээлийг тойрч биш дайрч гарсан гашуун дурсамжтай нэгэн. Хайртай гэргий нь өвчний улмаас хорвоогийн мөнх бусыг үзэж, охинтойгоо хамт хатуу хөтүүг туулж яваа гэхэд хилсдэхгүй.
Хайртай охиндоо Зөөлөнсий хэмээх нэр хайрлаж түүнийхээ нэрийг тайлбарлахдаа “Та гар руугаа үлээгээд үзээрэй. Гар дээр чинь ирж байгаа тэр зөөлөн мэдрэмжийг л би охиндоо нэр болгож өгсөн юм. Олон мянган охид цаашаа гүй явахад Зөөсий гэж би охиноо дуудахад нэг л охин эргэж харна гэдэгт итгэлтэй байдаг болохоор энэ нэрэнд хамгаас” дуртай хэмээн ярьсан байдаг.
Тэрээр хоёрдахь гэргийгээрээ Т.Ананда бүсгүйг сонгож, хэл амтай дөрвөн жил амьдарч, дахин 2 охинтой болсон. Гэвч амьдралын эрхээр дахин салж, хоёр бяцхан охин өдгөө ээжтэйгээ амьдарч байгаа.
